Italiianyń jaǵalaý kúzeti Jerorta teńiziniń Lampedýza aralynyń mańynda balyqshy qaiyǵynda qalqyp júrgen 539 migrantty qutqardy, dep habarlaidy QazAqparat BBC-ge silteme jasap.
Migranttar toly kishkene aiyq Italiiaǵa Liviiadan kelgen dep boljandy. Onda áielder men balalar kóp bolǵan. Migranttardyń arasynda túrli elderdiń azamattary bar. Olardyń qatarynda Mysyr, Siriia, sonymen qatar Soltústik Afrikadan kelgender de bar, dep habarlaidy jergilikti BAQ.
«Shekarasyz dárigerler» uiymynyń derekterine sai, Italiiaǵa keter aldynda migranttardy uryp-soqqan. Olardyń denesinde kógergen tustary bar. taǵy bir boljam boiynsha, olardy Liviiada qamap ustaǵan.
Migranttar otyrǵan shaǵyn qaiyq batyp ketýi múmkin bolǵandyqtan bosqyndardy Italiianyń keden men jaǵalaý kúzetiniń qaiyqtaryna otyrǵyzyp, Lampedýzaǵa jetkizgen.
Italiiaǵa Liviiadan migranttar turaqty kelip jatady, atap aitqanda Lampedýza aralyna jii keledi. Alaida buǵan deiin arnaiy qyzmet bir qaiyqta osynsha kóp migrant otyrǵanyn kezdestirmegen.
Mamyrda Lampedýzaǵa birneshe saǵattyń ishinde myńnan astam migrant kelgen.
Aralda 300 adamǵa arnalǵan migranttar lageri bar. Alaida qazir ol jerde bes ese kóp adam turyp jatyr. Kelgenderdiń kóbin lagerdiń mańyndaǵy joldyń boiynsha ornalastyrylyp jatyr. Migranttardyń kóbi Eýropadan pana berilmeitin elderden kelgen.
