يتالييانىڭ جاعالاۋ كٷزەتٸ جەرورتا تەڭٸزٸنٸڭ لامپەدۋزا ارالىنىڭ ماڭىندا بالىقشى قايىعىندا قالقىپ جٷرگەن 539 ميگرانتتى قۇتقاردى, دەپ حابارلايدى قازاقپارات BBC-گە سٸلتەمە جاساپ.
ميگرانتتار تولى كٸشكەنە ايىق يتاليياعا ليۆييادان كەلگەن دەپ بولجاندى. وندا ەيەلدەر مەن بالالار كٶپ بولعان. ميگرانتتاردىڭ اراسىندا تٷرلٸ ەلدەردٸڭ ازاماتتارى بار. ولاردىڭ قاتارىندا مىسىر, سيرييا, سونىمەن قاتار سولتٷستٸك افريكادان كەلگەندەر دە بار, دەپ حابارلايدى جەرگٸلٸكتٸ باق.
«شەكاراسىز دەرٸگەرلەر» ۇيىمىنىڭ دەرەكتەرٸنە ساي, يتاليياعا كەتەر الدىندا ميگرانتتاردى ۇرىپ-سوققان. ولاردىڭ دەنەسٸندە كٶگەرگەن تۇستارى بار. تاعى بٸر بولجام بويىنشا, ولاردى ليۆييادا قاماپ ۇستاعان.
ميگرانتتار وتىرعان شاعىن قايىق باتىپ كەتۋٸ مٷمكٸن بولعاندىقتان بوسقىنداردى يتالييانىڭ كەدەن مەن جاعالاۋ كٷزەتٸنٸڭ قايىقتارىنا وتىرعىزىپ, لامپەدۋزاعا جەتكٸزگەن.
يتاليياعا ليۆييادان ميگرانتتار تۇراقتى كەلٸپ جاتادى, اتاپ ايتقاندا لامپەدۋزا ارالىنا جيٸ كەلەدٸ. الايدا بۇعان دەيٸن ارنايى قىزمەت بٸر قايىقتا وسىنشا كٶپ ميگرانت وتىرعانىن كەزدەستٸرمەگەن.
مامىردا لامپەدۋزاعا بٸرنەشە ساعاتتىڭ ٸشٸندە مىڭنان استام ميگرانت كەلگەن.
ارالدا 300 ادامعا ارنالعان ميگرانتتار لاگەرٸ بار. الايدا قازٸر ول جەردە بەس ەسە كٶپ ادام تۇرىپ جاتىر. كەلگەندەردٸڭ كٶبٸن لاگەردٸڭ ماڭىنداعى جولدىڭ بويىنشا ورنالاستىرىلىپ جاتىر. ميگرانتتاردىڭ كٶبٸ ەۋروپادان پانا بەرٸلمەيتٸن ەلدەردەن كەلگەن.
