Italiia ózge eldermen áýe qatynasyn ýaqytsha toqtatty. Bul týraly Qazaqstannyń Syrtqy ister ministrliginiń Telegram arnasynan málim boldy.
«Qazaqstan Respýblikasynyń Italiiadaǵy Elshiligi qazirgi ýaqytta koronavirýs epidemiiasynyń saldarynan Italiiadaǵy tótenshe jaǵdaiǵa bailanysty Italiia men álemniń basqa elderi arasyndaǵy áýe qatynasy ýaqytsha toqtatylǵanyn habarlaidy.
Osyǵan bailanysty, qazirgi ýaqytta reseilik «Aeroflot» áýe kompaniiasy Máskeý qalasynda qaita otyrǵyzý arqyly Rimnen Qazaqstanǵa jolaýshylar reisterin júzege asyryp jatqandyǵyn nazarlaryńyzǵa salamyz.
Sonymen birge ústimizdegi jylǵy 11 naýryzdan bastap «Aeroflot» áýe kompaniiasy Italiianyń qalalaryna ushý baǵdarlamasyn ózgertip jatqandyǵyn habarlaimyz. Aqparattyń jańarýyn kompaniianyń resmi saitynan tekserip turýlaryńyzdy suraimyz», - delingen habarlamada.
