يتالييا ٶزگە ەلدەرمەن ەۋە قاتىناسىن ۋاقىتشا توقتاتتى. بۇل تۋرالى قازاقستاننىڭ سىرتقى ٸستەر مينيسترلٸگٸنٸڭ Telegram ارناسىنان مەلٸم بولدى.
«قازاقستان رەسپۋبليكاسىنىڭ يتاليياداعى ەلشٸلٸگٸ قازٸرگٸ ۋاقىتتا كوروناۆيرۋس ەپيدەميياسىنىڭ سالدارىنان يتاليياداعى تٶتەنشە جاعدايعا بايلانىستى يتالييا مەن ەلەمنٸڭ باسقا ەلدەرٸ اراسىنداعى ەۋە قاتىناسى ۋاقىتشا توقتاتىلعانىن حابارلايدى.
وسىعان بايلانىستى, قازٸرگٸ ۋاقىتتا رەسەيلٸك «اەروفلوت» ەۋە كومپانيياسى مەسكەۋ قالاسىندا قايتا وتىرعىزۋ ارقىلى ريمنەن قازاقستانعا جولاۋشىلار رەيستەرٸن جٷزەگە اسىرىپ جاتقاندىعىن نازارلارىڭىزعا سالامىز.
سونىمەن بٸرگە ٷستٸمٸزدەگٸ جىلعى 11 ناۋرىزدان باستاپ «اەروفلوت» ەۋە كومپانيياسى يتالييانىڭ قالالارىنا ۇشۋ باعدارلاماسىن ٶزگەرتٸپ جاتقاندىعىن حابارلايمىز. اقپاراتتىڭ جاڭارۋىن كومپانييانىڭ رەسمي سايتىنان تەكسەرٸپ تۇرۋلارىڭىزدى سۇرايمىز», - دەلٸنگەن حابارلامادا.
