Seisenbi kúni Azamattyq qorǵanys departamenti Italiiada koronavirýspen aýyrǵandardyń jalpy sany eki júz myńnan asqanyn málimdedi, - dep habarlaidy ANSA agenttigi.
Departamenttiń málimetinshe, qazirgi ýaqytta Italiiada COVID-19 virýsyn 105 205 adam juqtyrǵan. Al, elde osy infektsiiadan 27 359 adam kóz jumǵan, sondai-aq koronavirýstan 68 941 adam emdelip shyqqan.
Infektsiia juqtyrǵandar, qaitys bolǵandar jáne saýyǵyp shyqqan adamdardy qosqanda koronavirýspen aýyrǵandardyń jalpy sany – 201 505 adam.
Departament sondai-aq qazirgi ýaqytta intensivti terapiiada COVID-19 virýsyn juqtyrǵan 1863 patsient jatqanyn habarlady.
Aita keteiik, bul dúisenbi kúngi kórsetkishten 93 adamǵa az. Osylaisha Italiiada pandemiianyń tómendeý qarqyny jalǵasýda.
Eske sala keteiik, Italiiada jappai oqshaýlaý rejimi 3 mamyrǵa deiin uzartylǵan bolatyn. Alaida seisenbiden bastap kitap, keńse taýarlary men kiim dúkenderi ashyla bastady. Zaýyttar jabyq. Elde mektepter de biylǵy oqý jylynyń sońyna deiin jabyq bolady.
