Foto:oxu.az
Italiia taýlarynda qar kóshkini saldarynan bes adam japa shegip, olardyń úsheýi qaitys boldy dep habarlaidy Ult.kz.
Euronews taratqan málimet boiynsha Pemonttyń Verbano-Kýzio-Ossola aýdanynda 2800 metrden astam biiktikte ornalasqan italiandyq Traskera aýylynyń janynda qar kóshkini bolǵan.
Qar kóshkininen zardap shekken bes adamnyń úsheýi qaza boldy, taǵy ekeýi tikushaqpen jergilikti aýrýhanaǵa jetkizildi.
Qaiǵyly oqiǵa jeksenbi kúni saǵat 12.30 shamasynda Pýnta-Valgrandeniń shyǵys betkeiinde, Italiia men Shveitsariia shekarasyndaǵy Lepontin Alpisindegi shyńdarda boldy.
Máiitter áli qar astynan alynbaǵan, sebebi jergilikti biliktiń ruqsaty kútilýde. Taý - ken qutqarý qyzmeti ókiliniń aitýynsha, qaza tapqandardyń úsheýi-Verbaniiadan kelgen jastar, olar tańbalanǵan soqpaqpen júrgen.
Úsh adam qaza tapqan qar kóshkinin kórgen shańǵyshy men qashyp úlgergen taǵy eki adam qutqarýshylardy eskertti me, joq pa belgisiz. Aldyn ala málimetter boiynsha, top eńiske kóterilip, shańǵymen syrǵanaǵan.
Bul aimaqta qar kóp ekendigi, 2100 metr biiktikte kóshkin qaýpi 5 - ten 3-shi deńgeide - "mańyzdy"dep belgilendi.
.jpg)
