Italiiada COVID-19 koronavirýsyna shaldyǵyp qaitys bolǵan dárigerlerdiń sany 61 adamǵa jetti, bul rette 11 adam eki kúnniń ishinde kóz jumdy. Bul týraly ANSA agenttigi habarlady.
FNOMCEO Ulttyq dárigerler gildiiasy federatsiiasy ólimge aparǵan sońǵy oqiǵalardyń qaida bolǵanyn habarlaǵan joq. Bul oqiǵalar koronavirýstan eń kóp zardap shekken Lombardiiada bolýy múmkin.
Sońǵy málimet boiynsha, Italiiada koronavirýs indetinen 10 779 adam qaitys bolǵan.
29 naýryzdaǵy jaǵdai boiynsha, álem boiynsha koronavirýsqa shaldyqqan adamdardyń sany 704 myńnan asqan, dep habarlaidy AQSh-taǵy Djon Hopkins ýniverstiteti.
Ótken jyldyń jeltoqsan aiynda Ýhan qalasynda paida bolǵan COVID-19 ataýymen belgili koronavirýs kem degende 177 el men aimaqta taralyp, 35 myńnan astam adamnyń ómirin qiyp áketti.
