Italiia biligi koronavirýstyń ekinshi tolqynyn boldyrmaýǵa tyrysýda.
Apenninyda 24 saǵat ishinde 4458 adamnan infektsiia anyqtaldy, bul bir kún burynǵymen salystyrǵanda myń adamǵa artyq. Bul sonymen qatar sáýir aiynyń basynan bergi kún saiyn anyqtalatyn koronavirýs juqtyrý jaǵdailarynyń eń kóp ósimi, dep habarlaidy Euronews.
Epidemiialyq jaǵdaidyń ýshyǵýyna bailanysty el úkimeti azamattardy memlekettiń barlyq aýmaǵynda, tipti, ashyq aýada da maska taǵýǵa mindettedi. Jalǵyz nemese jaqyn adamdarmen birge bolǵanda, 6 jasqa deiingi balalarǵa, sozylmaly aýrýlary bar adamdarǵa, sondai-aq taza aýada sportpen ainalysýshylarǵa ǵana maska taqpaýǵa ruqsat etiledi.
Maskalyq rejimdi buzǵany úshin 400-den 1 000 eýro deiin aiyppul salýý qarastyrylǵan. Sondai-aq bilik ónerkásiptik jáne ekonomikalyq jańa shekteýlerge jol bermeýge tyrysýda. Degenmen jergilikti jaǵdaiǵa bailanysty «qyzyl aimaqtar» engizilýi múmkin. Buǵan deiin úkimet TJ rejimin 2021 jylǵy 31 qańtarǵa deiin uzartqan bolatyn.
