يتالييا بيلٸگٸ كوروناۆيرۋستىڭ ەكٸنشٸ تولقىنىن بولدىرماۋعا تىرىسۋدا.
اپەننينىدا 24 ساعات ٸشٸندە 4458 ادامنان ينفەكتسييا انىقتالدى, بۇل بٸر كٷن بۇرىنعىمەن سالىستىرعاندا مىڭ ادامعا ارتىق. بۇل سونىمەن قاتار سەۋٸر ايىنىڭ باسىنان بەرگٸ كٷن سايىن انىقتالاتىن كوروناۆيرۋس جۇقتىرۋ جاعدايلارىنىڭ ەڭ كٶپ ٶسٸمٸ, دەپ حابارلايدى Euronews.
ەپيدەمييالىق جاعدايدىڭ ۋشىعۋىنا بايلانىستى ەل ٷكٸمەتٸ ازاماتتاردى مەملەكەتتٸڭ بارلىق اۋماعىندا, تٸپتٸ, اشىق اۋادا دا ماسكا تاعۋعا مٸندەتتەدٸ. جالعىز نەمەسە جاقىن ادامدارمەن بٸرگە بولعاندا, 6 جاسقا دەيٸنگٸ بالالارعا, سوزىلمالى اۋرۋلارى بار ادامدارعا, سونداي-اق تازا اۋادا سپورتپەن اينالىسۋشىلارعا عانا ماسكا تاقپاۋعا رۇقسات ەتٸلەدٸ.
ماسكالىق رەجيمدٸ بۇزعانى ٷشٸن 400-دەن 1 000 ەۋرو دەيٸن ايىپپۇل سالۋۋ قاراستىرىلعان. سونداي-اق بيلٸك ٶنەركەسٸپتٸك جەنە ەكونوميكالىق جاڭا شەكتەۋلەرگە جول بەرمەۋگە تىرىسۋدا. دەگەنمەن جەرگٸلٸكتٸ جاعدايعا بايلانىستى «قىزىل ايماقتار» ەنگٸزٸلۋٸ مٷمكٸن. بۇعان دەيٸن ٷكٸمەت تج رەجيمٸن 2021 جىلعى 31 قاڭتارعا دەيٸن ۇزارتقان بولاتىن.
