Italiianyń premer-ministri Mario Dragi beisenbi kúni el prezidenti Serdjo Mattarellaǵa otstavkaǵa ketý týraly jańa ótinish berdi. Tańerteń parlamenttiń tómengi palatasynda sóz sóilegen ol otyrysty toqtatýdy surap, memleket basshysyna baratynyn aitty, dep habarlaidy QazAqparat Euronews agenttigine silteme jasap.
«Men otyrysty toqtatýdy suraimyn. Sebebi óz nietimdi (otstavkaǵa ketetinimdi – red) habarlaý úshin respýblika prezidentine barmaqpyn», - dedi Dragi.
Prezident bul ótinishti nazarǵa alyp, Úkimetke aǵymdaǵy mindetterdi oryndaýdy tapsyrdy.
Bir kún buryn Senat premer-ministrge eń az daýyspen senim bildirgen edi.
Daýys berýge qatysýdan birden úsh partiia – «5 juldyzdy» qozǵalys», «Alǵa, Italiia» jáne bileýshi koalitsiiaǵa kiretin «Liga» bas tartyp, oǵan senatorlardyń jartysynan azy qatysty.
Ótken aptada Dragi otstavkaǵa ketýge ótinish bergen edi, biraq ony prezident qabyldamady. Óitkeni resmi túrde úkimet parlamenttik kópshiliktiń qoldaýyn joǵaltpaǵan edi.
Bileýshi partiialardyń biri – «5 juldyzdy» qozǵalys infliatsiia úshin azamattarǵa ótemaqy tóleý týraly zań jobasy boiynsha daýys berýden bas tartýy, onyń erejeleri partiia ókilderine sáikes kelmeýi biliktiń qazirgi daǵdarysyna ákeldi.
