Italiia quramasy fýtboldan 2022 jylǵy Álem chempionatyna beriletin joldamadan qur qaldy, dep habarlaidy QazAqparat.
24 naýryzda fýtboldan Álem chempionatynyń irikteý satysynda eýropalyq quramalar ótpeli kezeń oiyndaryn ótkizgen edi.
S tobyndaǵy Italiia quramasy óz alańynda Soltústik Makedoniiaǵa 0:1 esebimen jol berip qoidy.
Endi Soltústik Makedoniia finalda Portýgaliiamen sheberlik baiqasady. Jeńgen jaǵdaida dúbirli dodaǵa joldama alýy múmkin.
Eske salsaq, irikteý satysynda ótpeli kezeń oiyndarynda barlyǵy 12 qurama úsh topqa bólingen.
Árbir topta jartylai final jáne finaldyq oiyndar belgilengen.
Jartylai finalda jeńimpaz atanǵandar finalda dúbirli dodaǵa beriletin jalǵyz joldamany sarapqa salady.
Osylaisha úsh toptan jeńimpazdar Álem chempionatyna qatysýǵa múmkindik alady.
A tobynda jartylai finalda Shotlandiia men Ýkraina, Ýels pen Avstriia kezdesýi tiis bolatyn.
Óz alańynda Ýels Avstriiany 2:1 esebimen tize búktirdi.
Ýkrainadaǵy saiasi jaǵdaiǵa bailanysty Shotlandiia men Ýkraina oiyny belgisiz merzimge keiinge shegerildi.
Al V tobynda Resei men Polsha, Shvetsiia men Chehiia sheberlik baiqasýy tiis bolatyn. Shvetsiia men Chehiia kezdesýinde shvetsiialyqtar 1:0 esebimen basym túsip, finalǵa shyqty.
Ýkrainadaǵy ahýalǵa bailanysty Resei atalǵan saiystan shettetildi. Polsha birden finalǵa joldama aldy.
Final oiyndary 29 naýryzǵa belgilengen.
