يتالييا قۇراماسى فۋتبولدان 2022 جىلعى ەلەم چەمپيوناتىنا بەرٸلەتٸن جولدامادان قۇر قالدى, دەپ حابارلايدى قازاقپارات.
24 ناۋرىزدا فۋتبولدان ەلەم چەمپيوناتىنىڭ ٸرٸكتەۋ ساتىسىندا ەۋروپالىق قۇرامالار ٶتپەلٸ كەزەڭ ويىندارىن ٶتكٸزگەن ەدٸ.
س توبىنداعى يتالييا قۇراماسى ٶز الاڭىندا سولتٷستٸك ماكەدونيياعا 0:1 ەسەبٸمەن جول بەرٸپ قويدى.
ەندٸ سولتٷستٸك ماكەدونييا فينالدا پورتۋگالييامەن شەبەرلٸك بايقاسادى. جەڭگەن جاعدايدا دٷبٸرلٸ دوداعا جولداما الۋى مٷمكٸن.
ەسكە سالساق, ٸرٸكتەۋ ساتىسىندا ٶتپەلٸ كەزەڭ ويىندارىندا بارلىعى 12 قۇراما ٷش توپقا بٶلٸنگەن.
ەربٸر توپتا جارتىلاي فينال جەنە فينالدىق ويىندار بەلگٸلەنگەن.
جارتىلاي فينالدا جەڭٸمپاز اتانعاندار فينالدا دٷبٸرلٸ دوداعا بەرٸلەتٸن جالعىز جولدامانى ساراپقا سالادى.
وسىلايشا ٷش توپتان جەڭٸمپازدار ەلەم چەمپيوناتىنا قاتىسۋعا مٷمكٸندٸك الادى.
ا توبىندا جارتىلاي فينالدا شوتلاندييا مەن ۋكراينا, ۋەلس پەن اۆسترييا كەزدەسۋٸ تيٸس بولاتىن.
ٶز الاڭىندا ۋەلس اۆسترييانى 2:1 ەسەبٸمەن تٸزە بٷكتٸردٸ.
ۋكرايناداعى ساياسي جاعدايعا بايلانىستى شوتلاندييا مەن ۋكراينا ويىنى بەلگٸسٸز مەرزٸمگە كەيٸنگە شەگەرٸلدٸ.
ال ۆ توبىندا رەسەي مەن پولشا, شۆەتسييا مەن چەحييا شەبەرلٸك بايقاسۋى تيٸس بولاتىن. شۆەتسييا مەن چەحييا كەزدەسۋٸندە شۆەتسييالىقتار 1:0 ەسەبٸمەن باسىم تٷسٸپ, فينالعا شىقتى.
ۋكرايناداعى احۋالعا بايلانىستى رەسەي اتالعان سايىستان شەتتەتٸلدٸ. پولشا بٸردەن فينالعا جولداما الدى.
فينال ويىندارى 29 ناۋرىزعا بەلگٸلەنگەن.
