Italiiadan kelgen halyqaralyq baqylaýshylar - Italiia depýtattar palatasynyń depýtaty, «Bes juldyz» qozǵalysynyń múshesi Rýsso Djiovani men Italiia depýtattar palatasynyń depýtaty Andrea Delmastro Delle Vedove Qazaqstandaǵy sailaý naýqanyna joǵary baǵa berdi, dep habarlaidy QazAqparat.
«Biz Qazaqstanǵa birinshi ret kelip otyrmyz. Búgingi sailaýdyń daiyndyǵy men uiymdastyrý deńgeii tańqaldyrdy. Sailaý protsesiniń pandemiia jaǵdaiynda durys uiymdastyrylǵanyn atap ótý kerek. Jalpy, mundai pandemiia kezinde saiasi is-shara, onyń ishinde sailaý ótkizý ońai emes. Qazaqstandaǵy uiymdastyrýshylar bul isti tiianaqty oryndap otyr», - dedi Rýsso Djiovani.
Italiialyq baiqaýshylardyń málimdeýinshe, sailaý ýchaskelerinde tártip jáne zań buzý faktileri baiqalmady.
«Italiialyqtar Qazaqstan halqy siiaqty ashyq. Biz mynany atap ótkimiz keledi - Qazaqstan demokratiialyq damýdyń óte joǵary deńgeiin kórsetti jáne bizdi tańqaldyrdy. Ony sailaýdaǵy belsendilikten baiqap otyrmyz. Sailaý ýchaskelerine barǵannan keiin biz eshqandai ereje buzý áreketterin baiqamadyq. Biz «Astana Opera» teatryna bardyq. Pandemiia jaǵdaiynda uiymdastyrý deńgeiiniń joǵary ekenin kórdik. Bári de maska taqqan jáne araqashyqtyq ta saqtaldy», - dedi Andrea Delmastro Delle Vedove.
