Seisenbi kúni Italiianyń Premer-Ministri Djýzeppe Konte Úkimettiń karantin rejimin aitarlyqtai jeńildetý jónindegi jospar boiynsha jumys istep jatqandyǵyn málim etti. Oǵan sáikes, shekteý sharalary 4 mamyrdan aiaqtalady.
Bul týraly Italiianyń ANSA agenttigi habarlady.
«Osy aptanyń sońyna deiin men bul jospardan sizderdi habardar etip, naqty qurylǵan baǵdarlamany búge-shigesine deiin tanystyra alam degen oidamyn», - dep habarlady Konte óziniń Facebook-paraqshasynda.
Premer-Ministriń pikirinshe, el azamattarynyń basym kópshiligi karantinnen sharshady jáne olar shekteý sharalarynyń qysqartylǵanyn, tipti múldem alynyp tastalǵanyn qalaidy.
«Ol úshin bólshek saýda kompaniialary men mekemeleri tezirek jumysyn bastaýy kerek. Meniń de «bárin birde ashaiyq» dep aitqym keledi. Birden. Biraq bul jaýapsyzdyq bolar edi. Bunyń sońǵy virýstyń órshýine ákelip soǵatyn edi. Sóitip, ol osy ýaqytqa deiin istegen isterimizdiń tiimdiligin nátijesin joqqy shyǵarar edi», - dep atap ótti Premer-ministr.
«Sonymen qatar Konte aimaqtyq erekshelikteri eskerile otyryp, ulttyq jospar jasalatynyn aitty».
Onyń aitýynsha, qarbalas kezinde halyqty qozǵalysty shekteýge shaqyryp, tipti «balama transport túrine basymdyq berilýi kerek».
Eske sala ketsek, memleket biligi naýryzdyń basynda karantin engizdi. Shekteý sharalary 4 sáýirde alynady dep josparlanǵan bolatyn, alaida, karantin sharalary áli de jalǵasýda.
Sońǵy málimetter boiynsha, Italiia koronavirýs juqtyrǵandar sany boiynsha álemde úshinshi orynda tur. Elde KVI juqtyrǵan 181 22 adam tirkeldi, olardyń 24 144-i qaitys bolyp, 48 877 azamat emdelip shyqty.
ANSA aqparat agenttiginiń habarlaýynsha, Italiiada COVID-19 koronavirýsynyń qaýipti shtammyn juqtyrǵan 141 dáriger ómirden ótken.
