Italiiada qazaqstandyq stýdent, Oral qalasyndaǵy Nazarbaev Ziiatkerlik mektebiniń túlegi kóz jumdy. Bul týraly aqparat áleýmettik jelilerde tarady, dep habarlaidy ult.kz.
Jazbalarǵa sáikes, marqumnyń denesin elge jetkizý barysynda onyń týystary birqatar qiyndyqtarǵa tap bolǵan. Sondai-aq shyǵyn kólemi shamamen 8000 eýroǵa jetkeni aitylǵan.
Osy jaǵdaiǵa bailanysty Qazaqstannyń Syrtqy ister ministrligi pikir bildirip, marqumnyń jaqyndaryna kóńil aitty.
Vedomstvonyń málimetinshe, Qazaqstannyń Italiiadaǵy elshiligi men jergilikti quzyrly organdar oqiǵanyń mán-jaiyn anyqtap jatyr. Sonymen qatar qazaqstandyq diplomattar otbasy múshelerimen turaqty bailanysta bolyp, qajetti konsýldyq-quqyqtyq kómek kórsetýde.
Qazirgi ýaqytta oqiǵanyń barlyq mán-jaiy naqtylanýda.
