Foto: ashyq derekkóz
Qazaqstan Tsifrlyq damý ministrligi Digital Nomad Visa baǵdarlamasy aiasynda alǵashqy qatysýshyny tanystyrdy, dep habarlaidy Ult.kz.
Aljirden kelgen IT-maman Abdelmadjid Belmekki Qazaqstandy Ózbekstan, Singapýr jáne Malaiziia siiaqty elder arasynan tańdap alǵan. Ol bul sheshimin baǵdarlamanyń qoljetimdi baǵasymen ($300) jáne tabysqa qoiylatyn talaptardyń bolmaýymen túsindirdi.
Abdelmadjid viza rásimdeý protsesin joǵary baǵalap, bul bastamanyń jahandyq mamandardy tartýdaǵy áleýetin atap ótti. Ol baǵdarlamany jaqsartý úshin salyq salý, zańnama jáne biznes tirkeý máseleleri týraly aqparatty keńeitýdi usyndy.
Digital Nomad Visa jáne Residency baǵdarlamalary 2024 jyly jasandy intellekt pen tsifrlyq tehnologiialar salasyndaǵy sheteldik mamandardy tartý maqsatynda iske qosylǵan. Qazirgi ýaqytta bul baǵdarlamaǵa 21 elden 152 ótinim túsip, eń kóp suranys IT, avtomattandyrý jáne kiberqaýipsizdik mamandarynan baiqalýda.
Ministrlik baǵdarlamanyń tiimdi iske asýy úshin arnaiy akseleratsiialyq top qurǵan. Qazaqstan tsifrlyq kóshpendiler úshin ashyq ári yńǵaily mehanizmdi engizip, aimaqtyq tsifrlyq hab retindegi mártebesin nyǵaitýda.
