فوتو: اشىق دەرەككٶز
قازاقستان تسيفرلىق دامۋ مينيسترلٸگٸ Digital Nomad Visa باعدارلاماسى اياسىندا العاشقى قاتىسۋشىنى تانىستىردى, دەپ حابارلايدى Ult.kz.
الجيردەن كەلگەن IT-مامان ابدەلمادجيد بەلمەككي قازاقستاندى ٶزبەكستان, سينگاپۋر جەنە مالايزييا سيياقتى ەلدەر اراسىنان تاڭداپ العان. ول بۇل شەشٸمٸن باعدارلامانىڭ قولجەتٸمدٸ باعاسىمەن ($300) جەنە تابىسقا قويىلاتىن تالاپتاردىڭ بولماۋىمەن تٷسٸندٸردٸ.
ابدەلمادجيد ۆيزا رەسٸمدەۋ پروتسەسٸن جوعارى باعالاپ, بۇل باستامانىڭ جاھاندىق مامانداردى تارتۋداعى ەلەۋەتٸن اتاپ ٶتتٸ. ول باعدارلامانى جاقسارتۋ ٷشٸن سالىق سالۋ, زاڭناما جەنە بيزنەس تٸركەۋ مەسەلەلەرٸ تۋرالى اقپاراتتى كەڭەيتۋدٸ ۇسىندى.
Digital Nomad Visa جەنە Residency باعدارلامالارى 2024 جىلى جاساندى ينتەللەكت پەن تسيفرلىق تەحنولوگييالار سالاسىنداعى شەتەلدٸك مامانداردى تارتۋ ماقساتىندا ٸسكە قوسىلعان. قازٸرگٸ ۋاقىتتا بۇل باعدارلاماعا 21 ەلدەن 152 ٶتٸنٸم تٷسٸپ, ەڭ كٶپ سۇرانىس IT, اۆتوماتتاندىرۋ جەنە كيبەرقاۋٸپسٸزدٸك ماماندارىنان بايقالۋدا.
مينيسترلٸك باعدارلامانىڭ تيٸمدٸ ٸسكە اسۋى ٷشٸن ارنايى اكسەلەراتسييالىق توپ قۇرعان. قازاقستان تسيفرلىق كٶشپەندٸلەر ٷشٸن اشىق ەرٸ ىڭعايلى مەحانيزمدٸ ەنگٸزٸپ, ايماقتىق تسيفرلىق حاب رەتٸندەگٸ مەرتەبەسٸن نىعايتۋدا.
