Ispaniia parlamenti premer-ministr laýazymyna Pedro Sanchesti laiyq dep tapty, – dep habarlaidy Euronews.com agenttigi.
Onyń kandidatýrasyn 167 depýtat qoldasa, 165 adam qarsy daýys bergen. Nebary eki daýys artyq jinaǵan ol Úkimet basshysy bolyp sailandy.
Jeksenbi kúngi sailaý kezinde Sanches qajetti absoliýtti basym daýysty jinai almady (350 daýystyń kem degende 176-sy). Ekinshi kezeńde úkimet basshysy ataný úshin zań boiynsha absoliýtti basym daýys qajet emes.
Ótken jyly Ispaniiada eki ret jalpyhalyqtyq sailaý ótti. Ekeýinde de jeńisti sotsialister jeńip aldy, biraq olar absoliýtti basym daýysqa ie bolǵan joq. Sáýirden beri el úkimeti ýaqytsha mindetin atqarýshy retinde jumys istep keldi.
