يسپانييا پارلامەنتٸ پرەمەر-مينيستر لاۋازىمىنا پەدرو سانچەستٸ لايىق دەپ تاپتى, – دەپ حابارلايدى Euronews.com اگەنتتٸگٸ.
ونىڭ كانديداتۋراسىن 167 دەپۋتات قولداسا, 165 ادام قارسى داۋىس بەرگەن. نەبارى ەكٸ داۋىس ارتىق جيناعان ول ٷكٸمەت باسشىسى بولىپ سايلاندى.
جەكسەنبٸ كٷنگٸ سايلاۋ كەزٸندە سانچەس قاجەتتٸ ابسوليۋتتٸ باسىم داۋىستى جيناي المادى (350 داۋىستىڭ كەم دەگەندە 176-سى). ەكٸنشٸ كەزەڭدە ٷكٸمەت باسشىسى اتانۋ ٷشٸن زاڭ بويىنشا ابسوليۋتتٸ باسىم داۋىس قاجەت ەمەس.
ٶتكەن جىلى يسپانييادا ەكٸ رەت جالپىحالىقتىق سايلاۋ ٶتتٸ. ەكەۋٸندە دە جەڭٸستٸ سوتسياليستەر جەڭٸپ الدى, بٸراق ولار ابسوليۋتتٸ باسىم داۋىسقا يە بولعان جوق. سەۋٸردەن بەرٸ ەل ٷكٸمەتٸ ۋاقىتشا مٸندەتٸن اتقارۋشى رەتٸندە جۇمىس ٸستەپ كەلدٸ.
