Ispaniia Koroldigi Syrtqy ister, Eýropalyq odaq jáne yntymaqtastyq ministrliginiń memlekettik hatshysy Kristina Gaiak Qazaqstannyń Ólim jazasynyń kúshin joiýǵa baǵyttalǵan Azamattyq jáne saiasi quqyqtar týraly halyqaralyq paktige qosylýyn joǵary baǵalady, dep habarlaidy QazAqparat.
«Bul sheshimniń mańyzdylyǵyn erekshe atap ótkim keledi. Ispaniia ólim jazasyna qarsy halyqaralyq komissiiany qoldaityn el retinde Qazaqstannyń osynaý batyl qadamyn qoldaidy. Men ólim jazasyn joiýdy qoldaityn halyqaralyq toptardyń talqylaýlaryna, jumystaryna qatystym jáne Qazaqstannyń bul qyzmettegi mańyzdy róline kýáger de bolǵan edim. Sonymen qatar atalǵan hattamany ratifikatsiialaý jolynda mańyzdy ári batyl qadam jasaǵan Qazaqstan Prezidenti Qasym-Jomart Toqaevqarizashylyǵymdy bildirip, kóshbasshylyǵyn joǵary baǵalaǵym keledi», - dedi Kristina Gaiak.
Esterińizge sala ketsek, búgin elordada Qazaqstan Syrtqy ister ministrligi men Ispaniia Koroldigi Syrtqy ister, Eýropalyq odaq jáne yntymaqtastyq ministrligi arasynda saiasi konsýltatsiialardyń 6-raýndy ótken edi.
Aita keteiik, osy jyldyń basynda Memleket basshysy Qasym-Jomart Toqaev «Ólim jazasynyń kúshin joiýǵa baǵyttalǵan Azamattyq jáne saiasi quqyqtar týraly halyqaralyq paktige Ekinshi Fakýltativtik Hattamany ratifikatsiialaý týraly» Qazaqstan Respýblikasynyń Zańyna qol qoiǵan bolatyn.
