Ispaniia Eýropada koronavirýstan bolatyn ólim-jitim boiynsha 3 orynda tur. Bul týraly QR Prezidenti janyndaǵy Tótenshe jaǵdai rejimin qamtamasyz etý jónindegi Memlekettik komissiianyń Jedel shtaby habarlady.
Jedel shtabtyń málimetterine qaraǵanda, koronavirýsty juqtyrǵandar sanynyń qarqyndy túrde ósýine bailanysty Ispaniiada tótenshe jaǵdai rejimi taǵy 15 kúnge sozylady.
Virýsty juqtyrǵandardyń kóbi Madridte tirkelgen — 34 188 adam. Ekinshi orynda Kataloniia tur— 23 460 adam. Ispaniiada koronavirýstan qaitys bolǵandardyń sany 11 025 adamǵa jetti. Saýyǵyp shyqqandar — 30 513 adam.
Bul elde COVID-19-ben kúrestiń jaqsy nátijeler berip, jańa juqtyrý jaǵdailarynyń aitarlyqtai tómendeýi baiqalǵanyna qaramastan, Ispaniia úkimeti qatań oqshaýlaý sharalaryn ázirge saqtap otyr. Sondyqtan, el biligi karantindi 26 sáýirge deiin uzartý týraly sheshim qabyldady.
