Islam dúniesiniń artta qalýy dinmen bailanysty degen tujyrym aqiqatqa múldem janaspaidy. Bul týraly búgin elorda tórinde bastalǵan Islam yntymaqtastyq uiymynyń ǵylym jáne tehnologiialar jónindegi birinshi sammitinde Qazaqstan Prezidenti Nursultan Nazarbaev aitty, dep habarlaidy Ult.kz tilshisi QazAqparat agenttigine silteme jasap.
Qazaqstan Prezidentiniń atap ótýinshe, álemniń kóptegen elderi qarqyndy damyp jatqanda kóptegen musylman elderi kósh sońynda qalýda.
«Keibir synshylar islam dúniesiniń kóp bóliginiń basqa aimaqtardan artta qalýy dinniń ózimen bailanysty dep sanaidy. Bul aqiqatqa múldem janaspaityn tujyrym. Islam órkenieti óz kezeńinde álemniń eń damyǵan ortalyǵy boldy. Ol búkil adamzattyń órkendeýine zor úles qosty. Qazirgi tsifrlyq ekonomikanyń úsh tuǵyry bar. Iaǵni, sandar, algebra, algoritm. Ol 1 ǵalymǵa bailanysty ekendigin atap ótken jón. Ol bizdiń óńirde, Ámýdariianyń salasynda týǵan, 12 ǵasyr buryn Muhamed ibn Musa ál-Harazmi degen ǵalym ómir súrgen. Algoritm termini ál-Harazmi esiminiń latyn tilindegi transkriptsiiasy bolyp tabylady. Eger de Batys áli kúnge deiin Rim sandaryn qoldanyp kelgen bolsa, algoritm túsinigin bilmes te edi», - dedi Nursultan Nazarbaev.
Memleket basshysy alǵashqy trigonometriialyq fýnktsiialar matematik, astronom ál-Battani esimimen bailanysty ekendigin atap ótti.
«Bul ǵalymdarsyz álemdik ǵylym, matematika, meditsinanyń damýy múmkin bolmas edi. Qazir damýdyń jańa uiymdastyrýshylyq satysyna ótýge bizge múmkinshilik bar. Muny paidalanýymyz kerek. Paiǵambarymyzdyń hadisterinde mynadai joldar bar: «Kimde-kim bilim izdeý jolyna tússe, Alla taǵala onyń jánnatqa barý jolyn jeńildetedi. Tań sáriden ǵylym izdenýge jáne ony ony zertteýge shyǵý 100 rákat namaz oqýdan da artyq». Osyǵan bailanysty bizge naqty is-qimyl jospary qajet. Onyń sheńberinde zamanaýi damý máseleleri jóninde Islam yntymaqtastyq uiymynyń arnaiy keńesin qurýǵa bolar edi. Ortaq ǵylymi-innovatsiialyq qor qurǵan durys dep oilaimyz», - dedi Qazaqstan Prezidenti.
