Foto: Freepik
Ishki ister ministrligi jasóspirimder arasyndaǵy zańsyz mazmundaǵy materialdar men resýrstardy anyqtaý boiynsha júrgizilgen internet-monitoring nátijelerin bólisti, dep habarlaidy "Ult aqparat".
Ministrliktiń málimetinshe, Qazaqstanda jyl basynan beri 22 myńǵa jýyq zańsyz sheteldik internet-resýrs anyqtalyp, barlyǵyn buǵattaý týraly talap ýákiletti organǵa joldanǵan.
"Qazaqstandyqtardyń sýitsidtik baǵyttaǵy internet-oiyndarǵa qatysý jaǵdailary anyqtalǵan joq. Almatyda óz-ózine qol jumsaǵan eki jasóspirimge qatysty, olardyń telefondary tekserilip, sýitsid oiynyna qatysý faktisi anyqtalmaǵanyn habarlaimyz. Qazir jasóspirimderdiń telefondaryndaǵy óshirilgen habarlamalarmen men qosymshalardy qalpyna keltirý boiynsha qosymsha tekserý júrgizilýde", – delingen ministrlik habarlamasynda.
Ishki ister ministrligi árbir osyndai fakti boiynsha qajetti tekserýler júrgiziletinin atap ótti.
Eske salsaq, buǵan deiin 16 qyrkúiek kúni Almatyda eki oqýshy qyzdyń toǵyz qabatty úidiń tóbesinen qulap qaza tapqany týraly jazǵan edik.
