Qazaqstannyń Ishki ister ministrligi aýa raiynyń buzylýyna bailanysty avtojoldarda kóktaiǵaq bolatynyn eskertedi, dep habarlaidy Sputnik.
"Osyǵan bailanysty avtokólik júrgizýshileri joldarda, ásirese, balalarǵa arnalǵan oqý oryndarynyń mańynda, qoǵamdyq kólik aialdamalarynda, jaiaý júrginshiler ótkelinde asa muqiiat bolyp, jyldamdyq rejimin, qashyqtyqty jáne basqa da Jol qozǵalysy erejeleriniń talaptaryn saqtaýy qajet", — dep jazylǵan politsiianyń úndeýinde.
Ishki ister ministrligi joldan ótetin jaiaý júrginshilerge ylǵaldy jáne taiǵaq jolda kólikti toqtatý qiyndaitynyn eskertedi.
Ótken demalys kúnderi Astana, Petropavl jáne Qaraǵandyda alǵashqy qar jaýdy.
Sinoptikter 15 qazanda Qazaqstannyń basym bóliginde jaýyn-shashyndy qubylmaly aýa raiy bolatynyn eskertedi.
Tek batysta jáne ońtústik-batysta qar-jańbyr jaýmaidy. Jel kúsheiip, tuman túsedi, kóktaiǵaq bolady.
