Qazaqstan politsiiasy qyzmet kórsetýdiń kúsheitilgen rejimine kóshti, dep habarlady Ishki ister ministrliginiń baspasóz qyzmeti.
Vedomstvonyń málimetinshe, 6 mamyrdan 12 mamyrǵa deiin ishki ister organdarynyń barlyq jeke quramy qyzmet kórsetýdiń kúsheitilgen rejimine kóshken. Tártip saqshylarynyń kósheler men qoǵamdyq oryndardaǵy tyǵyzdyǵy artty.
"Sonymen qatar, merekelik sharalar ótetin jáne halyq jappai serýendeitin oryndarǵa erekshe nazar aýdaryldy. Elimizdiń qalalarynda "Máńgilik Dańq" sherýlerin ótkizý kezinde politsiia qyzmetkerleri qaýipsizdikti qamtamasyz etý sharalaryn qolǵa alady", - dep habarlady vedomstvodan.
Ishki ister ministrligi kólik qozǵalysyna qatysýshylarǵa baǵdardy aldyn-ala josparlaýǵa keńes beredi.
"Politsiia qoǵamdyq tártipti buzýdyń barlyq faktisi boiynsha, sondai-aq mádeni is-sharalarǵa kedergi keltirýge, qatysýshylarǵa qolaisyzdyq týdyrýǵa baǵyttalǵan is-áreketterge qatysty dereý zańǵa sáikes sharalar qabyldaidy", - dep habarlady ishki ister ministrligi.
