Memleket basshysynyń ókimimen Murat Qalibekuly Baimuqashev Qazaqstan Respýblikasy Ishki ister ministriniń orynbasary laýazymyna taǵaiyndaldy, dep habarlaidy "Ult aqparat" Aqordaǵa silteme jasap.
Murat Qalibekuly Baimuqashev 1967 jyly 23 mamyrda dúniege keldi.
1994 jyldan bastap quqyq qorǵaý organdarynda jumys isteidi. Ishki ister organyndaǵy jumysyn jol politsiiasynyń patrýldik qyzmeti batalonynyń inspektory laýazymynan bastady.
1997 jyldan bastap QR IIM jol politsiiasy basqarmasynda jumys istedi, sonymen qatar ministrliktiń ortalyq apparatynyń departamentteri men bólimderin basqardy.
2009 – 2019 jyldary QR Premer-ministri Keńsesinde basshylyq laýazymdarda, sonyń ishinde alty jylǵa jýyq qorǵanys jáne quqyq qorǵaý bóliminiń bastyǵy boldy.
2019 jyldyń sáýir aiynan bastap QR Qaýipsizdik Keńesi hatshysynyń orynbasary qyzmetin atqardy.
2020 jyldyń naýryzynan QR IIM Ákimshilik politsiia komitetiniń tóraǵasy qyzmetin atqaryp keldi.
