Foto: Aqorda
Prezident Qasym-Jomart Toqaev Ishki ister ministri Erjan Sádenovti qabyldady. Kezdesý barysynda ministr elimizdegi kriminogendik ahýal týraly esep berip, qylmys deńgeiiniń tómendegenin atap ótti, dep habarlaidy "Ult aqparat".
Erjan Sádenovtiń málimetinshe, 2024 jyldyń basynan bastap:
- - Qylmystyq quqyq buzýshylyqtar sany 4 myńǵa, al jalpy qylmys sany 7 myńǵa azaiǵan;
- - Qoǵamdyq oryndarda jáne kámeletke tolmaǵandardyń qatysy bar quqyq buzýshylyqtar tómendegen;
- - Qylmystardyń ashylý kórsetkishi jaqsarǵan.
Sonymen qatar, ministr kiber, uiymdasqan jáne esirtki qylmystaryna qarsy kúres, jol qaýipsizdigin qamtamasyz etý jáne kadrlyq áleýetti arttyrý boiynsha tapsyrmalardyń oryndalý barysyn baiandady.
Quqyq buzýshylyqqa múldem tózbeýshilik qaǵidaty
Ministr ákimshilik quqyq buzýshylyqtarmen kúres nátijeleri týraly da aityp ótti. Jyl basynan beri:
- - Usaq quqyq buzýshylyqtar úshin jaýapqa tartylǵandar sany 30%-ǵa artqan;
- - Jol júrý erejelerin buzý faktileri 47%-ǵa ósken;
- - Júrgizýshi kýáliginen aiyrylǵandar sany eki esege kóbeigen.
Ministr qylmystyq-atqarý júiesindegi jaǵdaidy da baiandap, Prezidentke quqyqtyq tártip pen qoǵamdyq qaýipsizdik deńgeiin odan ári kúsheitý úshin birqatar usynystaryn jetkizdi.
Prezidenttiń tapsyrmalary
Qasym-Jomart Toqaev quqyqtyq tártipti nyǵaitý, qylmystyń aldyn alý jáne qoǵamdyq qaýipsizdikti arttyrý boiynsha birqatar naqty mindetter qoidy.
