Ishki ister ministri Erlan Turǵymbaev Almatydaǵy jaǵdaidy jeke baqylaýǵa aldy. Búgin ol jumys saparymen qalaǵa arnaiy keldi, dep habarlaidy "Ult aqparat" Polisia.kz saityna silteme jasap.
Ministr №7 qalalyq klinikalyq aýrýhanada jatqan politsiia qyzmetkeri aǵa leitenant Erbulan Seidazymnyń jaǵdaiyn bilýge bardy.
Apattan soń dárigerler oǵan birikken jaraqat, bas súieginiń jabyq jaraqaty, midaǵy aýyr kontýziia, jaq súieginiń epidýraldy qan ketýi diagnozyn qoidy. Zardap shekken politseige eki operatsiia jasaldy. Bas súieginiń rezektsiialy trepanatsiiasy jáne bas súiek ishindegi gematoma alyndy.
Erlan Turǵymbaev dárigerler konsiliýmyna qatysty. Mamandardyń aitýynsha, patsienttiń jaǵdaiy aýyr, biraq onyń ómirine esh qaýip tónip turǵan joq.
Dárigerlermen áńgimeleskennen keiin ministr politsiia qyzmetkeriniń tez saýyǵyp ketýin tiledi.
Eske salsaq, qaiǵyly oqiǵa 25 mamyr kúni tańǵa jýyq № 4 blokposta bolǵan. BMW júrgizýshisi mas kúiinde beton qorshaýǵa soǵylyp baryp, inertsiiamen patrýldik politsiia kóligin qaqqan. Sonyń kesirinen eki politsiia qyzmetkeri kóz jumdy.
Úshinshi politsiia qyzmetkeri jansaqtaý bóliminde jatyr
Apatqa kináli júrgizýshi buryn politsiiada jumys istegen.
Qaiǵyly oqiǵadan keiin 3 laýazymdy qyzmetker jumystan bosatyldy.
