Petropavl qalasynda bes ailyq sábidiń ishi aiaq astynan qatty ósip ketken. Ony Nur-Sultan qalasyndaǵy Ana men bala ortalyǵyna arnaiy kólikpen jetkizdi, dep habarlaidy Sputnik Qazaqstan Soltústik Qazaqstan oblysynyń densaýlyq saqtaý basqarmasyna silteme jasap.
Buǵan deiin kishkentai Ksiýshanyń ata-atasy jýrnalisterge suhbat berip, áleýmettik jeliler arqyly kómek suraǵan. Olardyń aitýynsha, 3 qańtarda balany oblystyq balalar aýrýhanasyna jatqyzǵan. Sol kezde sary aýrýǵa shaldyqqan degen boljam jasalǵan.
Birshama ýaqyttyn keiin sábidiń ishi óse bastapty. Al dárigerler ishte suiyqtyq jinalyp qalǵanyn anyqtady. Emdeý sharalary atqarylsa da, kishkentai qyzdyń ishi qatty ósip ketken. Ata-anasy astanalyq dárigerlerge úmit artty. Biraq ulttyq ana men bala ortalyǵy birden qabyldamapty.
Oblystyq densaýlyq saqtaý basqarmasynyń málimetine sáikes, kezekti telemeditsinalyq konsýltatsiiadan keiin sábidi sanitarlyq reanibomilmen Nur-Sultandaǵy ulttyq ana men bala ǵylymi ortalyǵyna jetkizgen.
"Petropavl oblystyq balalar aýrýhanasynda emdelgen sábige "belgisiz etiologiiasy bar gepatit, astsit" degen diagnoz qoiylǵan. Statsionarlyq emdeý sharalary kezinde Nur-Sultandaǵy Ana men bala ulttyq ǵylymi ortalyǵynyń mamandarymen tórt ret telemeditsina ótkizildi. Barlyq usynys oryndalǵan bolatyn", - deidi basqarma mamandary.
Osy oraida basqarma qyzmetkerleri "balany Ana men bala ortalyǵy qabyldamaidy" degen dárigerdiń asyǵystyq jasaǵanyn jetkizdi. Shyn máninde ortalyqtan sábidi qabyldamaý týraly resmi jaýap bolmaǵan.
