Kúz aiynda qatty otyndy satyp alý kezinde halyq arasynda aiqai-shýǵa jol bermeý úshin, Astana ákimi kómirdiń baǵasy ósip ketpeýin tapsyrdy, dep habarlaidy elorda ákimdiginiń resmi saity.
Sondai-aq ákim turǵyndardy josparlanǵan kómirdi jetkizýdi IKomek (109) qyzmeti arqyly habarlap otyrýdy tapsyrdy.
Sonymen, Áset Isekeshevtiń tóraǵalyǵymen ótken jiyn barysynda kómirdi iske asyrý máselesi jóninde ákimniń orynbasary Qosman Aitmuhametov, basqarma basshylary, memlekettik kiris departamentiniń ókilderi, QR Ulttyq ekonomika ministrligi Tabiǵi monopoliialardy retteý jáne básekelestikti qorǵaý komiteti, «QTJ - Júk tasymaly» AQ, kómir ónimin iske asyratyn 7 aldyńǵy qatarly kompaniia jáne basqa da ókiletti organdardyń ókilderi talqylady.
Naryqtaǵy kómir týraly ahýalmen Otyn-energetikalyq kesheni jáne kommýnaldyq sharýashylyq basqarmasynyń basshysy Erbol Tóleýov baiandady. Ol qazirgi tańda Astanada kómir óndiretin 7 iske asyrýshy baryn aitty. Jalpy qorda 7 tamyzdaǵy jaǵdai boiynsha 9590 tonna kómir bar.
«Magnit 21 ǵasyr» JShS-de Shubarkóldiń 1700 tonna (14500 teńge) jáne Kýznetskiniń (12000 teńge) kómiri bar. «Aitkojynova» JK Maikóbeniń 500 tonna (10 000 teńge) kómiri bar, «Ýmar KZ» JShS - 1000 tonna Qarajyranyń (13500 teńge), «Severenergoýgolsnab» JShS - 4800 tonna Qarajyranyń (13000 teńge) kómiri bar», - dedi E. Tóleýov.
Onyń aitýynsha kómir tóńiregindegi áleýmettik tartystyń bir sebebi, satý kezeńi sharyqtaǵan kezde kómirdiń jetpei qalýynan týyndaidy.
«Bul qatty otyn jaǵatyn qala halqynyń kún sýyta bastaǵannan jappai kómir satyp alýymen bailanysty. Satylym qyzǵan kezde kómirdiń baǵasy da sharyqtaidy. Sondai-aq kómir tasymalyna tapsyrystyń kóp túskendiginen «Qazaqstan temir joly» UK» AQ tarapynan da vagondardyń jetispeýshiligi baiqalady», - dedi E. Tóleýov.
Osyǵan bailanysty ákim «QTJ - Júk tasymaly» AQ astanaǵa kómir jetkizetin vagondarmen qamtamasyz etý máselesin erekshe baqylaýǵa alýyn tapsyrdy. Al energetika basqarmasy kómirdi iske asyrý boiynsha baqylaýdy kún saiyn júrgizip, ystyq jeliniń jumysyn jandandyrýyn mindettedi.
Sonymen birge «QTJ - Júk tasymaly» AQ bas direktory Qairat Saýrbaev áleýmettik tartystyń bolmaýy úshin kómirdi aitarlyqtai mólsherde tasymaldaýdyń qarqyndy jumystary jaz maýsymynda-aq bastalyp ketkenin aitty.
«Astana úshin kommýnaldyq-turmystyq kómirdi artýda temirjol transporty arqyly 60,5 myń tonna iaǵni ótken jylmen salystyrǵanda 17,8 tonna kóp jetkizildi. Biz júk artýshylarmen osy jaz kezeńinde kómirdi maksimaldy túrde artýyn, kúzde kómir tasymaldaýdyń arasy úzilmeýi týraly jiyn ótkizdik», - dedi Q. Saýrbaev.
Qalalyqtardyń qatty otynǵa degen úlken suranysyn nazarǵa alǵan Áset Isekeshev kásipkerlerge kómir ónimin jetkizetin kesteni usynýdy tapsyrdy jáne kún saiyn turaqty túrde 109 ystyq jelisi arqyly qalǵan kómir men jetkizilýi tiis josparlanǵan kómir týraly naqty jáne rastalǵan aqparatty qamtamasyz etýdi tapsyrdy. Budan basqa ókiletti organdarǵa Qosman Aitmuhamettiń tóraǵalyǵymen shtab quryp, kómir men janar-jaǵarmaiǵa qatysty barlyq máseleni sheshýdi baqylaýǵa alýdy tapsyrdy.
Memlekettik kirister departamenti men Otyn-energetikalyq kesheni jáne kommýnaldyq sharýashylyq basqarmasyna QR Ulttyq ekonomika ministrligi Tabiǵi monopoliialardy retteý jáne básekelestikti qorǵaý komitetimen birlesip, kómirdiń baǵasynyń óspeýine jol bermeýdiń algoritmin qarastyrýdy tapsyrdy. Eger anyqtalǵan jaǵdaida zańda qarastyrylǵan qajetti sharalar júrgiziledi.
Aita keteiik, QR Ulttyq ekonomika ministrligi Tabiǵi monopoliialardy retteý jáne básekelestikti qorǵaý komiteti ótken jyly atalmysh naryqta osy jaitty anyqtaý úshin taldaý júrgizgen bolatyn. Osy jyly «Severenergoýgolsnab» JShS, «Medina Treid» JShS, Aitkojynova JK jáne «Ýmar KZ» JShS jáne «Jiger Astana» JShS qatysty tekserýdi aiaqtady. Sottyń sheshimine sáikes atalǵan sýbektiler jalpy kólemi 7 mln teńge quraityn monopoliialyq 20 mln teńge tabysymen tárkileitin ákimshilik aiyppul salyndy. Osy baǵyttaǵy jumystar jalǵasyn tabýda.
«Astana - Energiia» AQ málimetinshe, 2017/18 jj. jylý maýsymy kezeńinde kómirdi tutyný 2 mln 945 myń tonnaǵa jetken. Onyń ishinde energiia kózderi - 2 mln 545 myń tonna, al halyq muqtajdyǵy úshin - 400 myń tonna bolǵan.
Astana ákimdigi elorda turǵyndarynyń barlyǵyna kómirdiń baǵasy qymbattamai turyp jáne kezek kóbeiip, áleýmettik daý-damai týyndamai turǵanda erterek satyp alýǵa shaqyrady.
