Sybailas jemqorlyqqa qarsy is-qimyl agenttigi 2021 jyldyń alty aiynda atqarǵan jumysyn qorytyndylap jatyr, dep habarlaidy QazAqparat.
Otyrysqa Prezidenttiń Kómekshisi – QR Qaýipsizdik keńesiniń hatshysy Áset Isekeshev, Sybailas jemqorlyqqa qarsy is-qimyl agenttiginiń tóraǵasy Marat Ahmetjanov, Parlament Májilisiniń depýtattary, Prezident Ákimshiliginiń, Bas prokýratýranyń jáne qoǵamdyq uiym ókilderi men alqa músheleri qatysyp jatyr.
Otyrysta sóz alǵan Áset Isekeshev Prezident Qasym-Jomart Toqaevtyń sybailas jemqorlyqpen kúres baǵytynda bergen sońǵy tapsyrmalaryna toqtaldy.
«Agenttik jumysynyń negizgi jetistiginiń biri halyqtyń sybailas jemqorlyqqa belsendi qarsy turýy jáne jalpy preventsiianyń jaqsarýy bolýy kerek. Jalpy alǵanda, aldyn alý sharalary memleketke keletin shyǵyndardy boldyrmaýy kerek. Bul jerde asyra silteýge jol berýge bolmaidy.
Basqarý qateliginen týyndaǵan jemqorlyq qylmystardy azaitý mindeti tur. Ózderińiz biletindei, Memleket basshysy múddeli memlekettik organdarǵa osy problemany sheshetin júieli tetikterdi pysyqtaýdy tapsyrǵan bolatyn. Bul jerde halyqqa, paraqor, jemqorlar laiyqty jazasyn arqalaitynyn, onymen kúres qatań ári ymyrasyz, júieli júrý kerektigin naqty aitý qajet. Sonymen birge memlekettik qyzmetshiniń árbir sheshimine birden Qylmystyq kodeksti qoldaný durys emes, árine» - dedi Prezidenttiń kómekshisi.
Qaýipsizdik keńesiniń hatshysy jemqorlyqpen bailanysty qylmystyq ister prokýrorlyq súzgi arqyly qozǵalýy kerektigin basa aitty.
«Bul iste prokýrorlyq súzginiń áleýetin paidala otyryp, qylmystyq protsestiń 3 býyndy modelin engizýge basymdyq berilýi kerek. Marat Muratuly, siz osy ideianyń bastamashylarynyń biri retinde Bas prokýratýrada osy máseleni basqarǵan edińiz. Sondyqtan osy modeldi Agenttik te belsendi paidalanatynyna senimdimin. Bul qylmystyq protsestegi zańdylyqty aitarlyqtai kúsheitedi», - dedi Áset Isekeshev.
