Astana qalasynyń sý jańa ákimi tolassyz jaýǵan jańbyrdan soń jol boiynda hám kóshelerde týyndaǵan qolaisyzdyqtar úshin ákimdik atynan keshirim surap, aldaǵy ýaqytta mundai jaǵdaidyń qaitalanbaýyn aldyn alatyn jumystar atqarylyp jatqanyn rastady. Áset Órentaiulynyń áleýmettik jelide jariialaǵan málimdemesinde óz oiyn bylaisha tarqatqan:
«Qurmetti astanalyqtar men qala qonaqtary!
Nóser jańbyrdyń tolastamaýy saldarynan qala joldarynda týyndaǵan qolaisyzdyqtar úshin əkimdik atynan keshirim suraimyn. Elordanyń qaryshtap damýy qalanyń sýaǵar kəriz júieleriniń qurylys qarqynynan ilgeri kele jatqany nóserli kúnderi basty problemaǵa ainalyp otyr.
Qazgidromettiń habarlaýynsha sońǵy nóserli jańbyr kúnderi jańbyrdyń bir ailyq mólsheri jaýǵan eken. Búgingi tańda əkimdik qalyptasqan jaǵdaidy tez arada retke keltirý úshin barlyq sharalardy qoldanýda. Qolda bar barlyq 107 dana arnaiy tehnika jumyldyrylyp, sý basqan aýdandarda təýlik boiy sý soryp jatyr. Sońǵy kúnderi ǵana qosymsha sýsorǵylarmen 100 myń t.m. sý soryldy, tazartqysh ǵimarattar arqyly 150 t.m. sý ótti. Bizdiń kommýnaldyq qyzmetter 300 km-ge jýyq kollektordy bosatý úshin endi bir təýlik kerek.
Joldardyń ýaqytsha jabylýy siiaqty qolaisyzdyqtarǵa túsinistikpen qaraýlaryńyzdy suraimyz. Əkimdik óz tarapynan nóser kezderinde joldardaǵy jaǵdai týraly birinshi kezekte resmi derekkózder — sait, əleýmettik jelilerdegi resmi akkaýnttar, radio habarlaý, sondai-aq TJ departamentiniń bailanys quraldary arqyly meilinshe aqparattandyrýdy qolǵa alady.
Byltyr nóser káriziniń qyzmetine bailanysty máselelerdi sheshýdiń jańa joldary ázirlendi. Naqtyraq aitqanda, №31 kóshede sý tazartý qurylystaryn salý boiynsha jobalar iske asyryldy, Myńjyldyqta sý tazartý qurylystary iske qosyldy, sondai-aq, Imanov kóshesindegi sorǵylardyń qýattylyǵy ulǵaityldy.
Ústimizdegi jyly Omarov – Otyrar kósheleriniń qiylysyndaǵy kollektor qalpyna keltirildi, tamyzdyń sońyna deiin Turan dańǵyly men №27 kósheniń qiylysyndaǵy sý tazartý qurylystary salynyp bitedi. Munymen qosa, biyl Kishi Taldykólden Esil ózenine sý jiberetin kollektor men Saýran kóshesindegi Rysqulov kóshesinen №31 kóshege deiingi nóser kárizi kollektoryn, sondai-aq, Seifýllin kóshesindegi PMK-86 sý tazartý qurylystaryn salý aiaqtalady, Turan dańǵyly men Syǵanaq kóshesiniń qiylysyndaǵy sý tazartý qurylystaryn qaita jóndeý qolǵa alyndy. Qazirgi kezde Beisekov kóshesi men Qorǵaljyn tasjolynyń qiylysyndaǵy, logistikalyq ortalyq aýdany men Prigorodnyi kentindegi sý tazartý qurylystaryn salý jumystary jalǵasýda. Úshqońyr kóshesinde qurylys jumystary bastalady. Tiisti jumystar qatty jańbyr jaýǵanda qaladaǵy jaǵdaidy qalpyna keltirýge múmkindik beredi.
Búginde máseleni júieli túrde tutastai qala boiynsha sheshý úshin halyqaralyq institýttarmen, injenerlermen jáne eksperttik toptarmen birlesip nóser kárizi júielerin odan ári damytý baǵdarlamasymen jumys istep jatyrmyz. Tiisti jumystardyń nátijelerin mindetti túrde kúzge qarai qalalyq qoǵamdyq keńestiń talqylaýyna usynatyn bolamyz…»
