استانا قالاسىنىڭ سۋ جاڭا ەكٸمٸ تولاسسىز جاۋعان جاڭبىردان سوڭ جول بويىندا ھەم كٶشەلەردە تۋىنداعان قولايسىزدىقتار ٷشٸن ەكٸمدٸك اتىنان كەشٸرٸم سۇراپ, الداعى ۋاقىتتا مۇنداي جاعدايدىڭ قايتالانباۋىن الدىن الاتىن جۇمىستار اتقارىلىپ جاتقانىن راستادى. ەسەت ٶرەنتايۇلىنىڭ ەلەۋمەتتٸك جەلٸدە جارييالاعان مەلٸمدەمەسٸندە ٶز ويىن بىلايشا تارقاتقان:
«قۇرمەتتٸ استانالىقتار مەن قالا قوناقتارى!
نٶسەر جاڭبىردىڭ تولاستاماۋى سالدارىنان قالا جولدارىندا تۋىنداعان قولايسىزدىقتار ٷشٸن əكٸمدٸك اتىنان كەشٸرٸم سۇرايمىن. ەلوردانىڭ قارىشتاپ دامۋى قالانىڭ سۋاعار كəرٸز جٷيەلەرٸنٸڭ قۇرىلىس قارقىنىنان ٸلگەرٸ كەلە جاتقانى نٶسەرلٸ كٷندەرٸ باستى پروبلەماعا اينالىپ وتىر.
قازگيدرومەتتٸڭ حابارلاۋىنشا سوڭعى نٶسەرلٸ جاڭبىر كٷندەرٸ جاڭبىردىڭ بٸر ايلىق مٶلشەرٸ جاۋعان ەكەن. بٷگٸنگٸ تاڭدا əكٸمدٸك قالىپتاسقان جاعدايدى تەز ارادا رەتكە كەلتٸرۋ ٷشٸن بارلىق شارالاردى قولدانۋدا. قولدا بار بارلىق 107 دانا ارنايى تەحنيكا جۇمىلدىرىلىپ, سۋ باسقان اۋدانداردا تəۋلٸك بويى سۋ سورىپ جاتىر. سوڭعى كٷندەرٸ عانا قوسىمشا سۋسورعىلارمەن 100 مىڭ ت.م. سۋ سورىلدى, تازارتقىش عيماراتتار ارقىلى 150 ت.م. سۋ ٶتتٸ. بٸزدٸڭ كوممۋنالدىق قىزمەتتەر 300 كم-گە جۋىق كوللەكتوردى بوساتۋ ٷشٸن ەندٸ بٸر تəۋلٸك كەرەك.
جولداردىڭ ۋاقىتشا جابىلۋى سيياقتى قولايسىزدىقتارعا تٷسٸنٸستٸكپەن قاراۋلارىڭىزدى سۇرايمىز. Əكٸمدٸك ٶز تاراپىنان نٶسەر كەزدەرٸندە جولدارداعى جاعداي تۋرالى بٸرٸنشٸ كەزەكتە رەسمي دەرەككٶزدەر — سايت, əلەۋمەتتٸك جەلٸلەردەگٸ رەسمي اككاۋنتتار, راديو حابارلاۋ, سونداي-اق تج دەپارتامەنتٸنٸڭ بايلانىس قۇرالدارى ارقىلى مەيلٸنشە اقپاراتتاندىرۋدى قولعا الادى.
بىلتىر نٶسەر كەرٸزٸنٸڭ قىزمەتٸنە بايلانىستى مەسەلەلەردٸ شەشۋدٸڭ جاڭا جولدارى ەزٸرلەندٸ. ناقتىراق ايتقاندا, №31 كٶشەدە سۋ تازارتۋ قۇرىلىستارىن سالۋ بويىنشا جوبالار ٸسكە اسىرىلدى, مىڭجىلدىقتا سۋ تازارتۋ قۇرىلىستارى ٸسكە قوسىلدى, سونداي-اق, يمانوۆ كٶشەسٸندەگٸ سورعىلاردىڭ قۋاتتىلىعى ۇلعايتىلدى.
ٷستٸمٸزدەگٸ جىلى وماروۆ – وتىرار كٶشەلەرٸنٸڭ قيىلىسىنداعى كوللەكتور قالپىنا كەلتٸرٸلدٸ, تامىزدىڭ سوڭىنا دەيٸن تۇران داڭعىلى مەن №27 كٶشەنٸڭ قيىلىسىنداعى سۋ تازارتۋ قۇرىلىستارى سالىنىپ بٸتەدٸ. مۇنىمەن قوسا, بيىل كٸشٸ تالدىكٶلدەن ەسٸل ٶزەنٸنە سۋ جٸبەرەتٸن كوللەكتور مەن ساۋران كٶشەسٸندەگٸ رىسقۇلوۆ كٶشەسٸنەن №31 كٶشەگە دەيٸنگٸ نٶسەر كەرٸزٸ كوللەكتورىن, سونداي-اق, سەيفۋللين كٶشەسٸندەگٸ پمك-86 سۋ تازارتۋ قۇرىلىستارىن سالۋ اياقتالادى, تۇران داڭعىلى مەن سىعاناق كٶشەسٸنٸڭ قيىلىسىنداعى سۋ تازارتۋ قۇرىلىستارىن قايتا جٶندەۋ قولعا الىندى. قازٸرگٸ كەزدە بەيسەكوۆ كٶشەسٸ مەن قورعالجىن تاسجولىنىڭ قيىلىسىنداعى, لوگيستيكالىق ورتالىق اۋدانى مەن پريگورودنىي كەنتٸندەگٸ سۋ تازارتۋ قۇرىلىستارىن سالۋ جۇمىستارى جالعاسۋدا. ٷشقوڭىر كٶشەسٸندە قۇرىلىس جۇمىستارى باستالادى. تيٸستٸ جۇمىستار قاتتى جاڭبىر جاۋعاندا قالاداعى جاعدايدى قالپىنا كەلتٸرۋگە مٷمكٸندٸك بەرەدٸ.
بٷگٸندە مەسەلەنٸ جٷيەلٸ تٷردە تۇتاستاي قالا بويىنشا شەشۋ ٷشٸن حالىقارالىق ينستيتۋتتارمەن, ينجەنەرلەرمەن جەنە ەكسپەرتتٸك توپتارمەن بٸرلەسٸپ نٶسەر كەرٸزٸ جٷيەلەرٸن ودان ەرٸ دامىتۋ باعدارلاماسىمەن جۇمىس ٸستەپ جاتىرمىز. تيٸستٸ جۇمىستاردىڭ نەتيجەلەرٸن مٸندەتتٸ تٷردە كٷزگە قاراي قالالىق قوعامدىق كەڭەستٸڭ تالقىلاۋىنا ۇسىناتىن بولامىز…»
