Isekeshev Astana turǵyndarynyń naqty sanyn aitty, dep habarlaidy "Ult aqparat" Baq.kz aqparat agenttigine silteme jasap.
«Bizde resmi túrde turaqty turatyn 1 million on myń adam tirkelgen, ýaqytsha tirkeýde turǵandar sany 205 myń adam. Bizdiń esebimiz boiynsha, qazir qalada million júz myń – million júz elý myń adam turyp jatyr», - dedi Áset Isekeshev oblystyq máslihattyń sessiiasynda.
Ákimniń aitýynsha, halyq sanyn anyqtaýǵa ýaqytsha tirkeý protsedýrasynyń arqasynada qol jetkizilgen.
«Kópshilik 1 jyldyń ishinde 860 myń bolǵan turǵyndar sany qalai millionǵa jetti dep tańdanǵan bolatyn. Shyn máninde, kóptegen adam bul jerde tirkelmegen eken. Olar osy kúnge deiin Jambyl, Petropavl, Qaraǵandyda tirkeýde turǵan. Úkimetpen bekitilgen ýaqytsha tirkeýge turǵyzý máselesi bizge turǵyndar sanynyń naqty qansha ekenin anyqtaýǵa jol ashty», - dedi ol.
Astana ákimi halyqtyń mundai tyǵyzdyǵy mektep, aýrýhana, qoǵamdyq kólikterde júktemeni kóbeitetinin aityp, osyǵan bailanysty Astanada eki million halyqqa arnalǵan josparlar ázirlenetinin jetkizdi.
«Biz TMD-daǵy alǵashqylardyń biri bolyp London, Dýbai, Singapýr, Abý-Dabi siiaqty qalalarda qoldanylatyn keshendi damytý josparyn ázirleimiz. Ol halyqaralyq standarttarǵa sáikes eki million turǵynǵa arnalyp jasalady», - dedi Isekeshev.
«Damý-josparynyń maqsaty – qoǵamdyq keńistikte der kezinde keshendi infraqurylymdy damytý, qoǵamdyq kólikter, mektep, aýrýhana, turǵyn úi keshenderi men saiabaqtardyń damýyn qamtamasyz etý, jeti josparlaý ortalyqty damytý. Iaǵni poliortalyqty damý modeline kóshý», - dedi ákim.
Aita keteiik Astananyń millionynshy turǵyny 2016 jyly shildede dúniege kelgen bolatyn. Millionynshy bolyp týǵan náresteni Áset Isekeshev quttyqtap, páter kiltin tabys etti.
