Atyraý oblysynyń Isatai aýdanynda Táýelsizdik monýmenti ashyldy, dep habarlaidy QazAqparat.
Táýelsizdik monýmenti Isatai aýdanynyń ortalyǵy – Aqqystaý aýylynda boi kótergen.
Monýmenttiń biiktigi – 16, uzyndyǵy men eni – 6,5 metr. Onyń munarasynda qazaq halqynyń kieli shańyraǵy, onyń janynda ushyp júrgen qustar beinelengen.
«Monýment – tarihi-tanymdyq mańyzy zor nysan. Munaranyń biigine kieli shańyraǵymyzdyń ornatylýynyń astarynda Táýelsizdigimiz máńgilik bolsyn degen ideia bar. Táýelsizdigimiz baiandy bolsa, elimiz de eńseli bolady», - dedi monýmenttiń ashylýyna qatysqan oblys ákiminiń orynbasary Nariman Taýshov.
Munaranyń artqy jaǵynda biiktigi – 5, uzyndyǵy – 7, eni – 1,10 metrlik 3 kolonnaǵa releft-músinder ornatylǵan. Onda Tuńǵysh Prezident Nursultan Nazarbaevtyń ant berý sáti men elimizdiń 30 jyldaǵy jetistikteri kórinis tapqan.
