QR Sybailas jemqorlyqqa qarsy is-qimyl agenttigi biýdjetti talan-tarajǵa saldy dep aiyptalǵan «Astana LRT» JShS-nyń burynǵy basshylyǵyna qatysty iske túsinik berdi, dep habarlaidy QazAqparat tilshisi.
«Qazirgi ýaqytta Nur-Sultan qalasynyń Sybailas jemqorlyqqa qarsy qyzmeti «Astana LRT» JShS-nyń laýazymdy tulǵalaryna qatysty jeńil relsti kólik jobasynyń qurylysy kezinde biýdjet qarajatynyń jymqyrylýy boiynsha tergeý amaldaryn júrgizip jatyr. Is qazirgi tańda tergelýde. Tergeý múddesine sáikes tolyqqandy aqparatty jariialai almaimyz», - dedi QR Sybailas jemqorlyqqa qarsy is-qimyl agenttigi Tergeý komitetiniń bas tergeýshisi Daniiar Bekaidarov agenttikte ótken baspasóz máslihatynda.
«Astana LRT» JShS-nyń burynǵy basqarma tóraǵasy Talǵat Ardanǵa halyqaralyq izdeý jariialanǵany buǵan deiin habarlanǵan bolatyn.
«Astana LRT» JShS-nyń burynǵy basqarma tóraǵasy Talǵat Ardanǵa qatysty Sybailas jemqorlyqqa qarsy is-qimyl agenttigi departamenti tarapynan qylmystyq is qozǵaldy. Ony qamaýǵa alý týraly ótinimhat joldandy», - degen edi «Astana LRT» JShS basshysy B. Igenberdinov.
