قر سىبايلاس جەمقورلىققا قارسى ٸس-قيمىل اگەنتتٸگٸ بيۋدجەتتٸ تالان-تاراجعا سالدى دەپ ايىپتالعان «استانا LRT» جشس-نىڭ بۇرىنعى باسشىلىعىنا قاتىستى ٸسكە تٷسٸنٸك بەردٸ, دەپ حابارلايدى قازاقپارات تٸلشٸسٸ.
«قازٸرگٸ ۋاقىتتا نۇر-سۇلتان قالاسىنىڭ سىبايلاس جەمقورلىققا قارسى قىزمەتٸ «استانا LRT» جشس-نىڭ لاۋازىمدى تۇلعالارىنا قاتىستى جەڭٸل رەلستٸ كٶلٸك جوباسىنىڭ قۇرىلىسى كەزٸندە بيۋدجەت قاراجاتىنىڭ جىمقىرىلۋى بويىنشا تەرگەۋ امالدارىن جٷرگٸزٸپ جاتىر. ٸس قازٸرگٸ تاڭدا تەرگەلۋدە. تەرگەۋ مٷددەسٸنە سەيكەس تولىققاندى اقپاراتتى جارييالاي المايمىز», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸ تەرگەۋ كوميتەتٸنٸڭ باس تەرگەۋشٸسٸ دانييار بەكايداروۆ اگەنتتٸكتە ٶتكەن باسپاسٶز مەسليحاتىندا.
«استانا LRT» جشس-نىڭ بۇرىنعى باسقارما تٶراعاسى تالعات اردانعا حالىقارالىق ٸزدەۋ جارييالانعانى بۇعان دەيٸن حابارلانعان بولاتىن.
«استانا LRT» جشس-نىڭ بۇرىنعى باسقارما تٶراعاسى تالعات اردانعا قاتىستى سىبايلاس جەمقورلىققا قارسى ٸس-قيمىل اگەنتتٸگٸ دەپارتامەنتٸ تاراپىنان قىلمىستىق ٸس قوزعالدى. ونى قاماۋعا الۋ تۋرالى ٶتٸنٸمحات جولداندى», - دەگەن ەدٸ «استانا LRT» جشس باسشىسى ب. يگەنبەردينوۆ.
