Qarashadan beri Nikkei indeksi alǵash ret belgilengen baǵadan 23 000 pýnktke tómendedi. Buǵan Iran Iraktaǵy AQSh áskeri ornalasqan bazaǵa zymyran jiberip, Taiaý Shyǵystaǵy jaǵdai ýshyǵyp turýy áser etip otyr, dep habarlaidy Kyodo.
Nikkei birden 600 satyǵa tómendedi. 10:00-degi málimet boiynsha Nikkei qarjy indeksi 568, 43 pýnktke nemese 2,41 paiyzǵa túsken. Tokio qor birjasyndaǵy barlyq Alǵashqy sektsiialardyń Tokiolyq aktsiia indeksi 38,79 pýnkt nemese 2,25 paiyz boldy. Ol belgilengen baǵadan 1686,26 pýnktke tómen.
Nikkei indeksi bir mezette 22 950-ge deiin qulady.
Seisenbi kúni AQSh Qorǵanys ministrligi Iran áskerileri Iraktaǵy AQSh-tyń áskeri jáne koalitsiialyq kúshteri ornalastyrylǵan eki áskeri bazaǵa onnan astam ballistikalyq zymyran jibergenin habarlady.
AQSh pen Irandaǵy jaǵdaidyń shielenisýine bailanysty munai fiýchersi baǵasy ósti.
