Foto: ashyq derekkóz
Aldaǵy aptada Iranda moraldyq normalardy retteitin jańa zańdar kúshine enedi, olardy saqtamaǵany úshin qatań jazalar qarastyrylǵan, dep habarlaidy The Guardian.
Jeltoqsan aiynyń basynda qabyldanǵan «Imandylyq pen hidjab mádenieti» týraly zań kiim men minez-qulyqqa qatań shekteýler engizedi. Buzýshylyqtar qataryna jalańashtyqty nasihattaý, orynsyz kiim kiiý, iyq, tobyq nemese dekolte aimaǵyn ashý, sondai-aq kez kelgen «ádepsiz» áreketter jatady.
Normalardy saqtamaǵany úshin aiyppul salý, 5 jyldan 15 jylǵa deiin bas bostandyǵynan aiyrý, al asa aýyr jaǵdailarda ólim jazasy siiaqty jazalar qarastyrylǵan. Mysaly, sheteldik delegatsiialar nemese BAQ ókilderi aldynda «ádepsiz túrde» kóringen áiel 10 jylǵa deiin bas bostandyǵynan aiyrylýy múmkin jáne 12,5 myń fýnt sterlingke (shamamen 8 mln teńge) deiin aiyppul tóleýge mindetteledi. Qaitalanǵan quqyq buzýshylyqtar úshin jazalar qatańdatylady.
Amnesty International quqyq qorǵaý uiymy bul zańǵa qatysty alańdaýshylyq bildirdi. Olar zańnyń keibir erejeleri Irannan tys jerde halyqaralyq BAQ-qa videomaterialdar jibergen áielder men qyzdardy qýdalaýǵa qoldanylýy múmkin ekenin atap ótti. Mundai áreketter normalardy buzý retinde qarastyrylyp, ólim jazasyna deiin jazalaný qaýpin tóndiredi.
.jpg)