فوتو: اشىق دەرەككٶز
الداعى اپتادا يراندا مورالدىق نورمالاردى رەتتەيتٸن جاڭا زاڭدار كٷشٸنە ەنەدٸ, ولاردى ساقتاماعانى ٷشٸن قاتاڭ جازالار قاراستىرىلعان, دەپ حابارلايدى The Guardian.
جەلتوقسان ايىنىڭ باسىندا قابىلدانعان «يماندىلىق پەن حيدجاب مەدەنيەتٸ» تۋرالى زاڭ كيٸم مەن مٸنەز-قۇلىققا قاتاڭ شەكتەۋلەر ەنگٸزەدٸ. بۇزۋشىلىقتار قاتارىنا جالاڭاشتىقتى ناسيحاتتاۋ, ورىنسىز كيٸم كييۋ, يىق, توبىق نەمەسە دەكولتە ايماعىن اشۋ, سونداي-اق كەز كەلگەن «ەدەپسٸز» ەرەكەتتەر جاتادى.
نورمالاردى ساقتاماعانى ٷشٸن ايىپپۇل سالۋ, 5 جىلدان 15 جىلعا دەيٸن باس بوستاندىعىنان ايىرۋ, ال اسا اۋىر جاعدايلاردا ٶلٸم جازاسى سيياقتى جازالار قاراستىرىلعان. مىسالى, شەتەلدٸك دەلەگاتسييالار نەمەسە باق ٶكٸلدەرٸ الدىندا «ەدەپسٸز تٷردە» كٶرٸنگەن ەيەل 10 جىلعا دەيٸن باس بوستاندىعىنان ايىرىلۋى مٷمكٸن جەنە 12,5 مىڭ فۋنت ستەرلينگكە (شامامەن 8 ملن تەڭگە) دەيٸن ايىپپۇل تٶلەۋگە مٸندەتتەلەدٸ. قايتالانعان قۇقىق بۇزۋشىلىقتار ٷشٸن جازالار قاتاڭداتىلادى.
Amnesty International قۇقىق قورعاۋ ۇيىمى بۇل زاڭعا قاتىستى الاڭداۋشىلىق بٸلدٸردٸ. ولار زاڭنىڭ كەيبٸر ەرەجەلەرٸ يراننان تىس جەردە حالىقارالىق باق-قا ۆيدەوماتەريالدار جٸبەرگەن ەيەلدەر مەن قىزداردى قۋدالاۋعا قولدانىلۋى مٷمكٸن ەكەنٸن اتاپ ٶتتٸ. مۇنداي ەرەكەتتەر نورمالاردى بۇزۋ رەتٸندە قاراستىرىلىپ, ٶلٸم جازاسىنا دەيٸن جازالانۋ قاۋپٸن تٶندٸرەدٸ.
.jpg)