الماتىنىڭ بۇرىنعى ەكٸمٸ ەربولات دوساەۆتىڭ جۇبايى, كەسٸپكەر گٷلنار دوساەۆا جاڭا كومپانييا تٸركەدٸ. DOS&Co. Ltd. دەپ اتالاتىن ۇيىمنىڭ كاپيتالى 100 ملن تەڭگەنٸ قۇرايدى, دەپ حابارلايدى ult.kz.

كومپانييا 14 قازاندا استانا حالىقارالىق قارجى ورتالىعىندا تٸركەلگەن. ونىڭ جالعىز قۇرىلتايشىسى - گٷلنار دوساەۆا.

قىزمەت سيپاتتاماسىنا قاراعاندا, DOS&Co. Ltd. حولدينگ رەتٸندە جۇمىس ٸستەيدٸ. كومپانييا ەنشٸلەس جەنە ٷلەستەس كەسٸپورىنداردىڭ جارعىلىق كاپيتالىنداعى ٷلەستەردٸ ساتىپ الىپ, يەلەنۋمەن اينالىسپاق. سونىمەن بٸرگە توپتىڭ دامۋ ستراتەگيياسىن ٷيلەستٸرٸپ, قۇرامىنداعى ۇيىمدارعا كورپوراتيۆتٸك جەنە ەكٸمشٸلٸك قولداۋ كٶرسەتەدٸ.

گٷلنار دوساەۆا Forbes Kazakhstan باسىلىمىنىڭ 2026 جىلعى ەڭ ىقپالدى 25 ەيەل رەيتينگٸندە 13-ورىنعا شىققان. ال ەڭ باي 25 ەيەل تٸزٸمٸندە ونىنشى ساتىعا ورنالاسقان. باسىلىم ونىڭ دەۋلەتٸن 61 ملن دوللارعا باعالاعان.

كەسٸپكەردٸڭ اكتيۆتەرٸ اراسىندا Lancaster Holding توبىنداعى ٷلەسٸ بار. توپ مۇناي-گاز قىزمەتتەرٸ, ٶنەركەسٸپتٸك ينفراقۇرىلىم, جەر قويناۋىن پايدالانۋ, تاۋ-كەن ٶندٸرٸسٸ, فارماتسەۆتيكا, بٸلٸم بەرۋ جەنە كادر قىزمەتتەرٸ باعىتىندا جۇمىس ٸستەيدٸ.

سونداي-اق دوساەۆا گاۋھار قاپپاروۆامەن بٸرگە “G and G گلامۋر” جەنە GGonline كومپانييالارىنا يەلٸك ەتەدٸ. ليۋكس تاۋارلار ساۋداسى مەن ونلاين ساتىلىمعا ماماندانعان بۇل بيزنەستٸڭ الماتى مەن استانادا ون بۋتيگٸ بار.

گٷلنار دوساەۆا قايىرىمدىلىق باستامالارىمەن دە اينالىسادى. ول 2005 جىلى جەتٸم بالالار مەن ەرەكشە بٸلٸم بەرۋ قاجەتتٸلٸكتەرٸ بار بالالاردى قولدايتىن “دارا” قورىن قۇرعان. بۇدان بٶلەك, Dos.community زيياتكەرلٸك ۆولونتەرلٸك پلاتفورماسىن ٸسكە قوسىپ, نۇرلان قاپپاروۆ اتىنداعى قوعامدىق قوردىڭ تەڭقۇرىلتايشىسى بولعان.

ايتا كەتەيٸك, ناۋرىزدا ەربولات دوساەۆ پرەزيدەنت ەكٸمشٸلٸگٸندەگٸ قىزمەتٸنەن بوساتىلدى. 

ەربولات دوساەۆ كٸم? 
 

ەربولات دوساەۆ – قازاقستاندىق مەملەكەت قايراتكەرٸ, الماتى قالاسىنىڭ بۇرىنعى ەكٸمٸ. ول 1970 جىلى 21 مامىردا الماتىدا دٷنيەگە كەلگەن. وراز جەۋتٸكوۆ اتىنداعى رەسپۋبليكالىق فيزيكا-ماتەماتيكا مەكتەپ-ينتەرناتىن بٸتٸرگەن. الماتى ەنەرگەتيكالىق ينستيتۋتىندا جەنە باۋمان اتىنداعى مەسكەۋ مەملەكەتتٸك تەحنيكالىق ۋنيۆەرسيتەتٸندە بٸلٸم العان.

ەڭبەك جولىن كەسٸپكەرلٸك جەنە بانك سالاسىندا باستاعان. كەيٸن مەملەكەتتٸك قىزمەتكە اۋىسىپ, ەنەرگەتيكا, يندۋسترييا جەنە ساۋدا ۆيتسە-مينيسترٸ, قارجى ۆيتسە-مينيسترٸ بولعان. 2003–2004 جىلدارى قارجى مينيسترلٸگٸن, 2004–2006 جىلدارى دەنساۋلىق ساقتاۋ مينيسترلٸگٸن باسقارعان. ودان كەيٸن ەكونوميكالىق دامۋ, ەكونوميكا جەنە بيۋدجەتتٸك جوسپارلاۋ, ۇلتتىق ەكونوميكا مينيسترٸ قىزمەتتەرٸن اتقارعان.

2016–2017 جىلدارى “بەيتەرەك” حولدينگٸنٸڭ باسقارما تٶراعاسى, 2017–2019 جىلدارى پرەمەر-مينيستردٸڭ ورىنباسارى بولعان. 2019–2022 جىلدارى ۇلتتىق بانكتٸ باسقارعان. الماتى ەكٸمٸ قىزمەتٸن 2022 جىلعى 31 قاڭتاردان 2025 جىلعى 24 مامىرعا دەيٸن اتقارعان. 2025 جىلدىڭ قىركٷيەگٸندە پرەزيدەنت ەكٸمشٸلٸگٸ باسشىسىنىڭ ورىنباسارى بولىپ تاعايىندالىپ, 2026 جىلعى 25 ناۋرىزدا بۇل قىزمەتتەن بوساتىلعان.