Jyl basynan beri Iranda keminde 251 adam sot úkimimen darǵa asylǵan. Quqyq qorǵaýshylar muny "adam ómirine qol suǵý" dep baǵalaidy.
Vashingtonda shoǵyrlanǵan Iran quqyq qorǵaý uiymy men Londonda ornalasqan Amnesty International uiymynyń ortaq esebinde darǵa asylǵandar odan da kóp bolýy múmkin ekeni aitylǵan. Esepke tek tekserilgen aqparattar ǵana engizilgen.
Eseptegi málimet boiynsha, darǵa asylǵandardyń 146-y adam óltirý babymen aiyptalǵan. Alaida esep avtorlary "Iranda sottardyń kóp jaǵdaida ádiletsiz ári birjaqty ótetini qujatpen moiyndalǵan" dep eskertedi. 86 adam esirtki saýdasyna kináli tanylyp, darǵa asylǵan.
Amnesty International ókili Daiana Eltahevi 2022 jyldyń birinshi jartysynda Iranda ortasha eseppen kúnine bir adam darǵa asylǵanyn aitady.
Quqyq qorǵaýshylardyń dereginshe, qazir álemniń 144 elinde ólim jazasy joiylǵan.
