Iran soty úsh birdei jazýshy ulttyq qaýipsizdikke qarsy qylmys jasady degen aiyppen, árbirin alty jylǵa túrmege kesti. Reza Handan Mahabadi, Baktash Abtin jáne Kaivan Badjan "memleketke qarsy nasihat júrgizdi", "ulttyq qaýipsizdikke qater tóndirdi" dep tanylǵan. Habarlamalarǵa qaraǵanda, jazýshylar isi boiyna sot protsesi sáýirde ótken.
Iranda ziialy qaýym ókilderi men el biligin synaǵandar jii sotqa tartylady.
Sottalǵan úsh azamat – Iran jazýshylar qaýymdastyǵynyń músheleri. Bilik bul uiymǵa qysym jasap, múshelerine qoqan-loqqy kórsetip, keibirin buǵan deiin de sottaǵan.
Qaýymdastyqtyń sottan keiin taratqan habarlamasynda "Bul – úsh jazýshy men qaýymdastyqqa ǵana emes, oiyn erkin jetkizýdi qalaityn barlyq jazýshyǵa shyqqan úkim" dep jazylǵan. Uiym "biliktiń úsh jazýshynyń kinásin dáleldeitin mardymdy aiǵaq usynbaǵanyn" aitady.
