Kýágerlerdiń aitýynsha, Tegerandaǵy bedeldi Ǵylym jáne zertteýler ýniversitetinde "Basidj" uiymynyń (qoǵamǵa memlekettik baqylaý júrgizýmen ainalysatyn jasaq) músheleri qyzdyń kiimin búldirip, hidjab kiiý talabyn buzǵany úshin sógis bergen.
Osydan keiin qyz qarsylyq belgisi retinde sheshinip tastaýǵa sheshim qabyldaǵan. Ýniversitettiń qoǵammen bailanys jónindegi bas direktory Amir Mahdjýb: "Stýdenttiń orynsyz áreketinen keiin kampýs kúzeti aralasyp, ony quqyq qorǵaý organdaryna tapsyrdy", - dep jazdy. Sondai-aq, ol qyzdyń "psihikalyq aýytqýy bar" dep málimdedi.
Amir Kabir Newsletter stýdentter toby stýdenttiń oramal taqpaǵany úshin shabýylǵa ushyrap, qaýipsizdik qyzmetkerleri kiimin jyrtyp jibergennen keiin sheshingenin habarlady. Sondai-aq qamaý kezinde stýdentke fizikalyq zorlyq kórsetilgenin – onyń basyn kólik esigine soǵyp, qatty qan aǵýyna sebep bolǵanyn atap ótti.
Qazirgi kezde onyń jaǵdaiy týraly aqparat joq.
