Foto: IRNA
Iranda 30 mamyr, beisenbide el prezidenttigine kandidattardy resmi tirkeý bastaldy, dep habarlaidy «Ult aqparat» inbusiness.kz-ke silteme jasap.
Merziminen buryn sailaý 28 maýsymda Islam Respýblikasynyń Prezidenti bolǵan Ibrahim Raisidiń ushaq apatynan qaitys bolýyna bailanysty ótedi. Tirkelý úshin úmitkerler kelesi bes kún ishinde Irannyń ishki ister ministrligine jeke kelýi kerek.
Kandidattar tirkelgennen keiin 12 músheden turatyn Konstitýtsiia kúzetshiler keńesi úmitkerlerdiń ideologiialyq kriteriiler boiynsha prezidenttikke jaramdylyǵyn sheshedi, dep atap ótti dpa agenttigi. Keńes maquldanǵan kandidattardyń sońǵy tizimin 11 maýsymda jariialaidy. Sodan keiin saiasatkerlerge sailaý naýqanyna eki apta ýaqyt beriledi. Eger kandidattardyń eshqaisysy sailaýdyń birinshi týrynda absoliýtti kópshilik daýysqa ie bolmasa, 5 shildede bolashaq prezidentti anyqtaityn ekinshi týr ótedi.
Prezident — Irandaǵy ekinshi mańyzdy sheneýnik, ol ókildik fýnktsiialardy oryndaidy jáne eldegi atqarýshy bilikti basqarady. Prezident 4 jyldyq merzimge sailanady jáne bul qyzmetti qatarynan eki merzimnen artyq atqara almaidy.
.jpg)