Iranda biliktiń tyiym salǵanyna qaramastan turǵyndar narazylyǵy jalǵasyp jatyr. Iran úkimeti azamattardy "zańsyz sherýlerge" qatyspaýǵa shaqyrǵan. Biraq senbi kúni eldiń birneshe qalasynda úkimetke qarsy narazylyq aktsiialary ótken. Áleýmettik jelilerde kei jerlerde narazylyq sherýi tártipsizdikterge ulasyp, politsiia avtokóligin órtep jatqany týraly videolar tarady, biraq olardyń shynaiylyǵyn anyqtaý qiyn bolyp otyr, - dep habarlaidy VVS.
Sońǵy úsh táýliktiń ishinde Iranda halyqtyń turmys jaǵdaiynyń nasharlaýy men jemqorlyqqa qarsylyq bildirip sherýge shyqqandardan ondaǵan adam ustalǵan.
Senbi kúni Tegeran ýniversiteti men ózge de birneshe jerde adamdardyń shaǵyn toptary jinalǵan. Eldiń soltústigindegi Abhar qalasynda demonstranttar Irannyń rýhani jetekshisi aiatolla Áli Hameneidiń úlken sýreti bar jarnamalardy órtegen.
Jeltoqsannyń 30-y kúni eldiń birneshe qalasynda úkimettiń saiasatyna qoldaý bildirgen sherýler uiymdastyrylǵan.
Iran ishki ister ministri Abdolreza Rahmani-Fazli azamattardy "óz-ózine jáne ózgelerge problema týǵyzbas úshin" sherýlerge qatyspaýǵa shaqyrǵan. Iran biligi narazylyqtyń kúsheiýine áldebir "kontrrevoliýtsiialyq" piǵyldaǵylar men "sheteldik tyńshylardy" aiyptaǵan.
Baqylaýshylar Irandaǵy qazirgi oqiǵalar 2009 jyly bilik kúshpen basyp-janshyǵan halyq narazylyǵynan keiingi eń iri narazylyq sherýleri ekenin aitady.
