يراندا بيلٸكتٸڭ تىيىم سالعانىنا قاراماستان تۇرعىندار نارازىلىعى جالعاسىپ جاتىر. يران ٷكٸمەتٸ ازاماتتاردى "زاڭسىز شەرۋلەرگە" قاتىسپاۋعا شاقىرعان. بٸراق سەنبٸ كٷنٸ ەلدٸڭ بٸرنەشە قالاسىندا ٷكٸمەتكە قارسى نارازىلىق اكتسييالارى ٶتكەن. ەلەۋمەتتٸك جەلٸلەردە كەي جەرلەردە نارازىلىق شەرۋٸ تەرتٸپسٸزدٸكتەرگە ۇلاسىپ, پوليتسييا اۆتوكٶلٸگٸن ٶرتەپ جاتقانى تۋرالى ۆيدەولار تارادى, بٸراق ولاردىڭ شىنايىلىعىن انىقتاۋ قيىن بولىپ وتىر, - دەپ حابارلايدى ۆۆس.
سوڭعى ٷش تەۋلٸكتٸڭ ٸشٸندە يراندا حالىقتىڭ تۇرمىس جاعدايىنىڭ ناشارلاۋى مەن جەمقورلىققا قارسىلىق بٸلدٸرٸپ شەرۋگە شىققانداردان ونداعان ادام ۇستالعان.
سەنبٸ كٷنٸ تەگەران ۋنيۆەرسيتەتٸ مەن ٶزگە دە بٸرنەشە جەردە ادامداردىڭ شاعىن توپتارى جينالعان. ەلدٸڭ سولتٷستٸگٸندەگٸ ابحار قالاسىندا دەمونسترانتتار يراننىڭ رۋحاني جەتەكشٸسٸ اياتوللا ەلي حامەنەيدٸڭ ٷلكەن سۋرەتٸ بار جارنامالاردى ٶرتەگەن.
جەلتوقساننىڭ 30-ى كٷنٸ ەلدٸڭ بٸرنەشە قالاسىندا ٷكٸمەتتٸڭ ساياساتىنا قولداۋ بٸلدٸرگەن شەرۋلەر ۇيىمداستىرىلعان.
يران ٸشكٸ ٸستەر مينيسترٸ ابدولرەزا راحماني-فازلي ازاماتتاردى "ٶز-ٶزٸنە جەنە ٶزگەلەرگە پروبلەما تۋعىزباس ٷشٸن" شەرۋلەرگە قاتىسپاۋعا شاقىرعان. يران بيلٸگٸ نارازىلىقتىڭ كٷشەيۋٸنە ەلدەبٸر "كونتررەۆوليۋتسييالىق" پيعىلداعىلار مەن "شەتەلدٸك تىڭشىلاردى" ايىپتاعان.
باقىلاۋشىلار يرانداعى قازٸرگٸ وقيعالار 2009 جىلى بيلٸك كٷشپەن باسىپ-جانشىعان حالىق نارازىلىعىنان كەيٸنگٸ ەڭ ٸرٸ نارازىلىق شەرۋلەرٸ ەكەنٸن ايتادى.
