Iranda ótken táýlikte koronavirýs infektsiiasynan bolǵan 279 jańa ólim jaǵdaiy tirkeldi, dep habarlaidy "Ult aqparat" Islamic Republic News Agency-ge silteme jasap.
Cársenbi kúni Iran Densaýlyq saqtaý ministrliginiń resmi ókili Sima Sadat Lari ótken táýlikte koronavirýstan 279 adamnyń kóz jumǵanyn málim etti. Elde COVID-19 virýsynan qaitys bolǵandar sany 29349 adamǵa jetti.
Sondai-aq ministr keshe koronavirýs infektsiiasyn juqtyrýdyń 4830 jańa jaǵdaiy tirkelgenin atap ótti. Olardyń 2237-si aýrýhanaǵa jatqyzyldy. Elde saýyǵyp shyqqan patsientterdiń jalpy sany - 414831.
4609 naýqastyń jaǵdaiy aýyr. Olar jansaqtaý bóliminde em alýda. Elde koronavirýs infektsiiasyna júrgizilgen testterdiń sany - 4398723.
