Ýkrainalyq áýe kompaniiasyna tiesili Boeing 737 ushaǵy áýege kóterilgennen keiin apatqa ushyrady, – dep habarlaidy IRNA.
Ýkraina halyqaralyq áýe jelileriniń ushaǵy Tegerannan Kievke ushyp bara jatqan.
Tótenshe jaǵdailar departamentiniń baspasóz hatshysy Moitab Haledidiń aitýynsha, bortta 180 jolaýshy bolǵan.
"Flightradar" ushaqtardyń qozǵalysyn baqylaityn qyzmettiń aqparatynsha, ýkrainalyq PS752 reisi Tegerannan Máskeý ýaqytymen 5.42-de ushyp shyqqan. Arada eki minýt ótken soń, 5.44-te radardan joǵalyp ketken.
Sońǵy derekter boiynsha, apattan aman qalǵandar joq.
Budan buryn, Azamattyq aviatsiia uiymynyń ókili Irana Reza Djafarzade ushaq órtke oranyp, adamdardyń aman qalýy múmkin emestigin málimdegen. Ol qazirgi ýaqytta qutqarýshylar tilsiz jaýdy aýyzdyqtap jatqanyn jetkizdi.
