Foto: ru.irna.ir
Iran iadrolyq mámile jańartylǵansha, eldiń iadrolyq infraqurylym nysandarynda ornalasqan Atom energiiasy jónindegi halyqaralyq agenttiktiń (MAGATE) beinekameralaryn qosýdy josparlap otyrǵan joq, dep habarlaidy QazAqparat IRNA agenttigine silteme jasap.
«Bul kameralardyń iadrolyq mámilemen bailanysy bar. Eger Batys osy Paktige oralsa jáne olardyń (kameralardyń – red.) ziian tigizbeitinine senimdi bolsaq, biz bul kameralarǵa qatysty sheshim qabyldaimyz.
Irannyń Birlesken keshendi is-qimyl josparyn qabyldaýy aiyptaýdy alyp tastaýǵa jáne senimdi nyǵaitýǵa negizdelgen. Iran senimdi nyǵaitý maqsatynda óz qyzmetin shekteýge kelisti. Alaida olar (iadrolyq kelisimge qatysýshylar – red.) óz mindettemelerin oryndamady», - dedi Iran Atom energiiasy uiymynyń basshysy Muhammad Eslami.
Maýsym aiynda 35 elden turatyn MAGATE Basqarýshylar keńesi úsh jariialanbaǵan obektide tabylǵan ýran izderin túsindire almaǵany úshin Irandy synaǵan qarardy basym daýyspen qabyldady, dep habarlaidy Reuters.
Osy qarardan keiin Iran MAGATE-ge 2015 jylǵy álemdik derjavalarmen kelisimge sáikes ornatylǵan 27 beinekamerany qosa alǵanda, uiymnyń jabdyqtaryn bólshekteitinin habarlady.
Iran biliginiń ustanymyna sáikes, baqylaý kameralary bul aiyptaýlardy alyp tastaýǵa arnalǵan. Eger aiyptaý áli de óz kúshinde bolsa, kameralardyń jumys isteýine budan bylai eshqandai sebep joq.
Iran Atom energiiasy jónindegi uiym basshysynyń aitýynsha, kelisim qalpyna keltirilgenge deiin kameralardy agenttiktiń ózi jinap, mórlep, obektilerde saqtaidy.
